რუგანი:”თანაგუნდელებისგან ბევრს ვსწავლობ”

“ტურინში გატარებული თითოეული წამით ვტკბები.. სხვაგვარად ვერც კი წარმომიდგენია, რადგან გამორჩეულ ფეხბურთელებთან ერთად მიწევს ყოფნა.. მათგან ბევრს ვსწავლობ და ბუნებრივია განსაკუთრებულად ბარძალი, ბონუჩი, კიელინისგან.. ასეთ დიდ გუნდში ყოველთვის მზად უნდა იყო, რადგან მწვრთნელმა ნებისმიერ წამს შეიძლება გიხმოს.. იუვენტუსი მსოფლიო ფეხბურთის გრანდია და ფეხბურთელებიც შესაბამისად გამორჩეული ჰყავს.. აქ მოხვედრის პირველივე წამიდან უნდა ეცადო საკუთარი შესაძლებლობების მაქსიმუმი აჩვენო. ვფიქრობ, საკუთარი თავი ცუდად არ წარმომიჩენია და იმედი მაქვს მომავალში არაერთხელ მომეცემა შავ-თეთრი მაისურით მოედანზე გასვლა. ალეგრი? ძალიან ყურადღებიანია ჩემს მიმართ. ხშირად მესაუბრება და საჭირო რჩევებს არ იშურებს.. თავდაპირველად სიმშვიდეს და მოთმინებას მთხოვდა.. ბუნებრივია ახალგაზრდა ფეხბურთელისთვის მწვრთნელის სიტყვებს ოქროს ფასი აქვს. გადამწყვეტი მატჩი? შესაძლოა იგი ფიორენტინასთან მატჩი გახდეს”.