ბონუჩი:”მსურს იუვენტუსის ლეგენდა გავხდე”

“მარკიზიოს ტრავმამ ბუნებრივია ჩვენზე ნეგატიურად იმოქმედა.. შოკირებული დავრჩით მისი მოედნიდან გასვლის გამო. თუმცა, საბედნიეროდ გონს მალევე მოვეგეთ და გაგვახსენდა, თუ რისთვის გამოვედით მოედანზე. გამარჯვება მნიშვნელოვანი იყო, რადგან სანუკვარ მიზანთან უფრო ახლოს მივსულიყავით და ამავე დროს კონკურენტებს ჩამოვშორებოდით. ლაციოსთან დაპირისპირებაში მოგვიწევს დავადასტუროთ საკუთარი გეგმები მორიგ ტიტულთან დაკავშირებით. ჩემი მიზანი? მსურს იუვენტუსის ლეგენდა გავხდე, რომელიც ზედიზედ მეხუთე სკუდეტოს მოიპოვებს შავ-თეთრი მაისურით. სამ მცველიან ტაქტიკაში თავს ძალიან კომფორტულად ვგრძნობ, რადგან მაქვს დაფიქრების საშუალება.. ვცდილობ, მაქსიმალურად პროდუქტიული ვიყო საკუთარი გუნდისთვის”.