ბუფონი:”ჩვენ, ერთმანეთთან რაღაც განსაკუთრებული გვაკავშირებს”

“თავს დიდხანს არ მოგაწყენთ.. ყველაფერს მოკლედ და კონკრეტულად გეტყვით.. მსურს კლუბს და მასთან დაკავშირებულ ყველა ადამიანს მადლობა გადავუხადო უსაზღვრო ნდობისთვის, რომელიც ჩემს მიმართ არსებობს. თითოეული ჩვენთაგანი განვითარებისკენ ისწრაფვის, რათა მივაღწიოთ საერთო მიზანს და ოცნებას. ვფიქრობ, თანაგუნდელებთან და ფანტასტიკურ კლუბთან ერთად ყველაფერს მივაღწევთ. საბოლოო ჯამში, ფეხბურთელი მხოლოდ მაშინ შეძლებს მაღალ დონეზე ასპარეზობას თუ გუნდური პრინციპით მუშაობს.. თუმცა, კულისებში მყოფები ასევე უნდა იყვნენ მოწოდების სიმაღლეზე”..

“ჩემი და იუვენტუსის ისტორიის შესახებ ყველას კარგად მოგეხსენებათ.. იმედს გამოვთქვამ, რომ იგი ამაღლებულ ნოტაზე დასრულდება. ბოლოს, როდესაც აქ თქვენს წინაშე კონტრაქტის გახანგრძლივებაზე ვსაუბრობდი, ჩემს გვერდით პრეზიდენტი ანიელი და კიელინი იმყოფებოდნენ.. დღეისათვის კი პრეზიდენტი და ბარძალი.. ვამაყობ, რომ ასეთ გასაოცარ წამს თანაგუნდელს ვუზიარებ, რადგან ჩვენ რაღაც განსაკუთრებული გვაკავშირებს, როგორც მინდორზე ასევე მის მიღმა. თუმცა, განსაკუთრებულად მინდორი მაინტერესებდა, სადაც ჩვენს შორის რაღაც სიღრმისეული არსებობს.. რომელიც ურთიერთპატივისცემის ნიადაგზე წარმოიშვა..

ვფიქრობ, ასეთი გრძნობა როგორც სპორტში ასევე ცხოვრებაშიც ჩნდება.. და ეს გრძნობა საბედნიეროდ ჩვენს შორისაც არსებობს.. ფეხბურთელების ხელმძღვანელობის წარმომადგენლებს შორის.. მადლიერი ვარ ამ ყოველივესთვის..

ჩემი მე-10 სკუდეტო? მოდით დაველოდოთ სეზონის დაწყებას, რომელსაც ჩვეული ენთუზიაზმით შევხვდებით. თუ ყველაფერი ისე განვითარდება, როგორც იუვენტინოების დიდ ოჯახს წარმოგვიდგენია, მაშინ ეს მართლაც ფანტასტიკური და რაც მთავარია ისტორიული მიღწევა იქნება. მომავალი სეზონი ჩემთვის მე-16 იქნება.. ამ პერიოდში 10 სკუდეტო და ერთი სერია ბ-ს თასი დამიგროვდა. პირადად ჩემთვის მოცემულ ციფრებს უდიდესი მნიშვნელობა აქვს.

განსხვავება სერია ა-ს დანარჩენ კლუბებს შორის? ვფიქრობ, მნიშვნელოვანია ფეხბურთელმა იცოდეს რა არის იუვენტუსი და რას ნიშნავს იყო “იუვე” მინდორზე და მის მიღმაც.. მწამს ამ ბიჭების.. ჩვენი გუნდური სულისკვეთება და ძალა მუდამ თან დაგვყვება.. ვნახოთ, რას გვიპასუხებს ამაზე მოედანი..

ოქროს ბურთი? სიმართლე გითხრათ არ ვგრძნობ ამ მხრივ რაიმე უსამართლობას. ვიცი, რომ ფანტასტიკური კარიერა განვლე. ასევე ვიცი, რომ გარკვეულ ეტაპზე ამ ტიტულს მივუახლოვდი და ვიმსახურებდი კიდევაც.. თუმცა, ისიც ვიცი რომ თუ ვერ მოვიპოვე, გამოდის რაღაც მაინც დამაკლდა.. ის რაღაც, რისი ბოლომდე მიყვანაც ვერ მოვახერხე. სიმართლე სწორედ ამაშია და არ ღირს ბედისწერაზე ან რაიმე სხვა ფაქტორზე ნერვიულობა. შეცდომა მხოლოდ ჩემი ბრალია, რადგან გარკვეულ ეპიზოდებში მეტის გაკეთება მმართებდა”.