მონტოლივომ მილანელებთან გაახანგრძლივა

კლაუდიო მარკიზიოს უმძიმესი ტრავმის ფონზე, ტურინში გაჩნდა მოსაზრება, რომ მაროტა ზაფხულში თავისუფალი აგენტის სტატუსის მქონე რიკარდო მონტოლივოს გაიფორმებდა. რიკარდოს მილანში კარგი დრო არ უდგას.. საქმე იქამდეც კი მივიდა, რომ საკუთარ კაპიტანთან კონტრაქტის გახანგრძლივების წინააღმდეგ როსონერის ქომაგებმა პეტიციაზე ხელის მოწერებიც კი დაიწყეს.. თუმცა, ხელმძღვანელობამ ოფიციალურად გამოაქვეყნა ინფორმაცია სამ ფეხბურთელთან ხელშეკრულებების გახანგრძლივების თაობაზე. საუბარი ეხებათ ლუკა ანტონელის, დავიდე კალაბრიას და რიკარდო მონტოლივოს.. ახალი კონტრაქტების მიხედვით ისინი კლუბში 2019 წლამდე დარჩებიან.