ტურინელები კრისტიანსენით დაინტერესდნენ..

პოპულარული calciomercato-ს ინფორმაციით ბიანკონერის მესვეურები ყურადღებით აკვირდებიან ლონდონის “ჩელსის” საკუთრებაში მყოფ ფეხბურთელს, რომელმაც უკანასკნელი სეზონი მ.გლადბახის ბორუსიაში გაატარა.. საუბარი ეხება 1996 წელს დაბადებულ ანდრეას კრისტიანსენს, რომელიც ამპლუით მცველი გახლავთ. მაროტამ ერთ-ერთ ინტერვიუში განაცხადა, რომ კლუბის უკანა ხაზის საშუალო ასაკი დაწევას საჭიროებს.. გუნდს მალე მარტინ კასერესი თავისუფალი აგენტის სტატუსით დატოვებს, მისი პოზიცია კი ხელმძღვანელობას შესავსები ექნება. გლადბახს 20 მილიონად აქვს ახალგაზრდა, პრესპექტიული უკანახაზელის გამოსყიდვის უფლება, მაგრამ თუ მოლაპარაკებებში ბიანკონერი ჩაერთვება მაშინ გერმანელებს მათთან ჭიდილი ძალზედ გაუჭირდებათ.. მითუმეტეს მოახლოებულ სატრანსფერო ფანჯრის პერიოდში ტურინსა და ლონდონს შორის დიდი გარიგებებია მოსალოდნელი..