დი მარციო პიანიჩზე, კოვაჩიჩზე და ბენატიაზე საუბრობს

სკაი სპორტის ცნობილმა ჟურნალისტმა, ჯანლუკა დი მარციომ დღის ბოლოს ტურინის “იუვენტუსის” გარშემო არსებული სატრანსფერო მდგომარეობა შეაჯამა.მისი თქმით, ჯუზეპე მაროტა საბოლოოდ ჩამოყალიბდა იმ ფეხბურთელებზე, ვისი გადმობირებითაც ნახევარდაცვის გაძლიერება სურს.საუბარია, რა თქმა უნდა, მირალემ პიანიჩზე და მატეო კოვაჩიჩზე.დი მარციო ხაზგასმით აღნიშნავს, რომ ეს მოთამაშეები ერთმანეთს არ გამორიცხავენ, ანუ ბიანკონერები ორივეს დამატებას მაქსიმალურად ეცდებიან.ბოსნიელის სიტუაცია ასე თუ ისე ნათელია, ჯიალორისის კონტრაქტში არსებული 38 მილიონი ევროს მიღება სურს, მაროტა კი 30-32 მილიონი ევროს რადიუსში ცდილობს ტრანსფერის დახურვას.აღსანიშნავია, რომ რომაელებთან მოლაპარაკებებს ფაბიო პარატიჩი აწარმოებს და სწორედ მას აქვს კონტაქტი ნახევარმცველის აგენტთან, შესაძლოა, პიანიჩის სურვილმა ტრანსფერში დიდი როლი ითამაშოს.

რაც შეეხება კოვაჩიჩს, მისი საკითხი მადრიდელებთან შეხვედრის დროს გადაწყდება.მასიმილიანო ალეგრის “ინტერის” ყოფილი ფეხბურთელის მოყვანა სურს და მორატას “რეალში” დაბრუნების პარალელურად, არაა გამორიცხული ტურინისკენ სწორედ ხორვატი გაემგზავროს.ცალკე კი, 22 წლის ფეხბურთელის სატრანსფერო ღირებულება ამ მომენტისთვის დაახლოებით 25 მილიონი ევროა, იტალიელები თანახმა არიან 20 მილიონის გადახდაზე.ალვარო მორატას ტრანსფერში ჩართვის შემთხვევაში კი, ლოგიკურია, ფასი საგრძნობლად შემცირდება.

გარდა ნახევარდაცვის ხაზისა, მაროტა მცველის დამატებაზეც ფიქრობს.მარტინ კასერესის გუნდიდან წასვლის შემდეგ ალეგრის კიდევ ერთი ცენტრალური მცველი ესაჭიროება და საუკეთესო ვარიანტი როგორც სჩანს, მეჰდი ბენატიაა.სკაის ცნობით, ტურინელები უახლოეს საათებში აპირებენ ბავარიას ხელმძღვანელობასთან დაკავშირებას და წინადადების გაკეთებას, ბეპეს ალჟირელი არენდის წესით სურს, თუმცა რა თანხა ჩაიწერება კონტრაქტში გამოსასყიდად, ჯერ-ჯერობით უცნობია.

წყარო : Tuttojuve