ალეგრი:”პოგბა და მორატა ტურინში უნდა დარჩნენ, ხოლო პიანიჩი ფანტასტიკური შენაძენია”

“შეშლილმა მაქსმა” გუნდის სატრანსფერო პოლიტიკაზე ისაუბრა და ბიანკონერის ხელმძღვანელობას მირალემ პიანიჩის ტრანსფერი მოუწონა:“ჩვენ ვსაუბრობთ ტაქტიკურად ძალიან ძლიერ ფეხბურთელზე, რომელიც გასაოცარი თვისებებით არის დაჯილდოებული. ჩემი ვალდებულება კი არის, ნებისმიერი ახალი და უკვე გუნდში მყოფი ფეხბურთელის კიდევ უფრო განვითარება.. პიანიჩს თავისუფლად შეუძლია, როგორც დაცვის წინ, ასევე ტრეკუარტისტას პოზიციაზე თამაშიც.. იგი გუნდს მრავალფეროვანი მანევრირებების საშუალებას მისცემს. ხელმძღვანელობა აპლოდისმენტებს იმსახურებს, ასეთი კარგი ტრანსფერის გამო. პოგბასთან დაკავშირებით ჩვენი პოზიცია ურყევია.. იგი გუნდის ფუნდამენტია და დღეისათვის იუვენტუსის ფეხბურთელია, მაგრამ არავინ იცის რა იქნება ხვალ.. მორატასთან დაკავშირებით ადრეც ვთქვი. მსგავსად პოგბასი, მორატა გუნდში აუცილებლად უნდა დარჩეს.. მინდა კიდევ ერთხელ მივმართო – “ალვარო, შენ ტურინში უნდა დარჩე”.