ფეხბურთი დელ პიეროს და ნამდვილი “10”-იანის გარეშე..

უკანასკნელ ხანებში პოგბას თაობაზე ბევრი ითქვა, ბევრი დაიწერა და კიდევ უფრო მეტი წინ გველის.. საფეხბურთო სამყარო ყოველმხრივ შეცვლილია და ფული მასში გადამწყვეტ როლს თამაშობს.. თუმცა, არიან ისეთებიც ვისთვისაც პატივისცემა, ტრადიცია, ისტორია და 10 ნომრიანი მაისური მნიშვნელოვანია.. მაგრამ.. საფეხბურთო სამყაროში “დელ პიერო(ები)” აღარ არიან.. ეს არ არის სიახლე.. ეს არ გამოუქვეყნებია სქაი სპორტს ან ტუტოიუვეს.. გადავწყვიტე თავადვე შემეფასებინა ის, რაც ჩვენს თავს ხდება ბოლო პერიოდში და აქ მარტო მინო რაიოლა არ არის ჩართული:

“ჩემი კლიენტი არ აპირებს მოლაპარაკება აწარმოოს მადრიდის რეალთან.. ეს კლუბი ყიდულობს ფეხბურთელებს და შემდეგ ისვრის მათ ნაგვის ყუთში, როგორც ხელსახოცებს. პოგბა ჭირდება კლუბს, რომელსაც სჯერა მისი პოტენციალის და იქნება კარგ დამოკიდებულებაში მოთამაშესთან”..

ეს გახლავთ პოლის საფეხბურთო აგენტის, პოპულარული მინო რაიოლას სიტყვები, რომელიც თავის დროზე რეალის მესვეურები და ქომაგები ძალიან გააბრაზა.. გადის ხანი.. თუმცა, რა ხანი გავიდა სულ რაღაც ერთი სეზონი და რაიოლა შემდეგ კომენტარს იძლევა:

“მოლაპარაკებები მადრიდულ მხარესთან საწყის ეტაპზეა.პოგბა აღმერთებს რეალსა და ზინედინ ზიდანს და გადაწყვეტილების მიღებაში ეს ფაქტორი მნიშვნელოვან როლს ითამაშებს.მისი ფასი ? – პოლი იმდენი ღირს, რამდენის გადახდასაც მის სანაცვლოდ აპირებენ”..

ვერ ვხვდები სად არის სიმართლე და სად არა.. ზაფხულის ან ზამთრის სატრანსფერო პერიოდი ისე არ გავა მოცემულ ფეხბურთელზე დიდი აჟიოტაჟი არ იყოს ატეხილი.. თავდაპირველად რაიოლას სიტყვებმა ბევრ ჩვენთაგანს ატკინა გული.. იმაზე ცუდი მოსასმენა რა უნდა იყოს, როდესაც ფეხბურთელს უდიდეს ნდობას უცხადებ და საჯაროდ აფიქსირებ ამ ყოველივეს.. აძლევ 10 ნომრიან მაისურს, უხანგრძლივებ კონტრაქტს და პრაქტიკულად გუნდში ერთ-ერთ ყველაზე მაღალ ანაზღაურებად ფიგურად ხდი.. და თან ეს გუნდი არც ალავესია და მაგალაგა.. პარმა ან სასუოლო.. საუბარი მსოფლიო ფეხბურთის გამორჩეულ გრანდს ეხება, რომელმაც დაიბრუნა სახე და მიისწრაფვის აბსოლუტური წარმატებისკენ..

საწყენია და ჩვენი რეაქცია ბუნებრივი იყო.. როდესაც გუნდის ლიდერად გთვლიან და უკლებლივ ყველა დარჩენისკენ გიბიძგებს, შენ თეთრი მადრიდული ოცნებისკენ გიზიდავს.. თუმცა, რეალურად საქმე ფულს ეხება.. ძნელია ჩვენი გადმოსახედიდან ფეხბურთელს საქციელი გაუკრიტიკო.. საუბარი 10-13 მილიონზეა წელიწადში, რომელიც მართლა შთამებჭდავია..

მაგრამ გული იმ ფაქტზე მტკივა, რომ თანამედროვე ფეხბურთში მართლა აღარ არიან მოთამაშეები, რომელთა სიტყვას ფასი ექნება.. დელ პიერო ჩვენთვის ყველაზე ახლოა.. მისი სიტყვები, საქციელი და გადაწყვეტილება წლების მერე კიდევ უფრო დაფასებული და სიყვარულით სავსე იქნება. და მე როცა იუვეს ტიფოზს ვხედავ როგორ გიჟდებიან ჩემი უსაყვარლესი კლუბის ფერებში შემოსული ახალგაზრდები რონალდუ, მესი და სხვა ფიგურებზე, განვიცდი.. განვიცდი გულით, რადგან ჩვენს რიგებში ასპარეზობდნენ ისეთი ფიგურები რომლებიც ამინდს ჰქმნიდნენ არამარტო საფეხბურთო მოედანზე. ესენი იყვნენ ადამიანები, რომელთაც წლები ვერაფერს დააკლებს.. ყოველთვის ეყვარებათ და პატივისცემით სავსენი იქნებიან.. გაეტანო შირეა! ადამიანი რომლის თამაშს მე არ მოვსწრებივარ, მაგრამ იგი არავის დავიწყებია და ცოცხალია.. იმიტომ რომ იყო პროფესიონალი..

ზოგისთვის სეზონში 60 გოლი, მედიდური წარმოდგენა საკუთარ თავზე და ნარცისიზმი იმაზე მეტად მნიშვნელოვანია, ვიდრე სანტიაბო ბერნაბეუზე ტაშის დაკვრა.. სერია ბ-ში გუნდთთან ერთად ყოფნა.. ერთგულება და 10 ნომერი.. ჩემმა იუვენტუსსმა უფრო მეტი გააკეთა ვიდრე წელიწადში 10-13 მილიონი და სეზონში 60 გოლია.. მეტი გააკეთა, რომ მასსზე დღევანდელი იუვენტინოები ისეთივე აღფრთოვანებით საუბრობდნენ ვიდრე პრიმერას ან ლიგის მედლებია.. ეს უკანასკნელი კი მალე იქნება და იმედი მაქვს მას იმ ფეხბურთელებით მოვიპოვებთ ვინც იცის შრომის, მოთმინების და გამარჯვების ფასი მილიონების გარეშე.. დიახ, ეს ჩემი იუვენტუსია მილიონების გარეშე, მაგრამ დიდი სიყვარულით, ემოციით..