#ForzaAzzurri – იტალიამ ირლანდიას ისტორია დააწერინა

იტალია დამარცხდა, თუმცა გარდა სტატისტიკური მონაცემებისა მას აძურისთვის არაფერი დაუშავებია.. პირიქით ირლანდიის ისტორია დავწერეთ, რომელიც 1/8 ფინალის საგზური მოიპოვა. ბელგიამ შვედეთი დაამარცხა, ხოლო მარტინ ონილის გაწვრთნილმა გუნდმა ჯგუფში მესამე ადგილი დაიკავა, რამაც მათ მომავალ ეტაპზე თაამაშის უფლება მისცა. ხოლო იტალიელები.. წინ ესპანეთთან მძიმე შეხვედრაა.. უკანასკნელი ორი თამაში კი ძალიან ბევრ კითხვას ბადებს აძურის თავკაცთან..

მას შემდეგ, რაც ანტონიო კონტე იტალიის ეროვნული ნაკრების მწვრთნელია, სკუადრა აძურამ პირველი ოფიციალური მარცხი განიცადა, ირლანდიას შეხვედრაში.აპენინელები მატჩის მიწურულს დაშვებული შეცდომების გამო დაისაჯნენ და სამაგიეროდ, ირლანდიელებს ისტორიული შედეგი დაუფიქსირეს.შეხვედრის შემდეგ კომენტარი ექს-ბიანკონერომაც გააკეთა : “გულწრფელად რომ გითხრათ, დიდად კმაყოფილი არ ვარ.ფიზიკურად და ტაქტიკურად რთული თამაში გამოდგა, დავმარცხდით ბრძოლაში.ყველაფერი ჩვენს ხელთ იყო და მესამე მატჩში წაგებას ნამდვილად არ ვგეგმავდით, მაგრამ მეტოქის მოტივაციამ თავისი გაიტანა.ინსინიე ? – ლორენცო მოედანზე მაშინ შევუშვი, როცა ირლანდიელთა დაცვა დაიღალა და აირია, მისი მოვალეობა იყო ნახევარდაცვასა და წინახაზს შორის ბურთი ხშირად მიეღო და შეეტია.ნებისმიერ შემთხვევაში, ფეხბურთელებს მეტი შრომისკენ მოვუწოდებ, ბიჭები მინდორზე ბოლომდე იბრძვიან.ესპანეთი ? – მე ვერ გეტყვით, ვართ თუ არა მათ დონეზე, ყველაფერს 1/8 ფინალი გვაჩვენებს.”

სიმონე ძაძამ ირლანდიელთა წინააღმდეგ სრული მატჩი ჩაატარა.აქტიური იყო, მომენტიც ჰქონდა, თუმცა გოლის გატანა ვერაფრით მოახერხა.შეხვედრის შემდეგ ბიანკონერების ფორვარდს სკაი სპორტმა ჩამოართვა ინტერვიუ : “გუნდი მუშაობას განაგრძობს, თითოეულ ვარჯიშზე ბოლომდე ვიხარჯებით და რაც მთავარია, ერთმანეთს ვგრძობთ.ვიცით, რომ ევროპის ჩემპიონატზე ჩვენი ქვეყნის სახელით გამოვდივართ და თავს არავინ ზოგავს.დღევანდელი მატჩი უკვე წარსულია, წაგებული შეხვედრიდან უნდა გამოვიტანოთ სწორი დასკვნები და წინასვლა გავაგრძელოთ.რა თქმა უნდა, წარმატების მიღწევა ყველას სურდა, მაგრამ სამწუხაროდ არ გაგვიმართლა.ირლანდიელებისთვის ამ სამ ქულას უდიდესი მნიშვნელობა ჰქონდა და მათთვის საბედნიეროდ, შედეგს მიაღწიეს კიდეც.”

იტალიის ეროვნული ნაკრები ევროპის ჩემპიონატზე პირველად კაპიტნის რანგში მინდორზე ლეონარდო ბონუჩიმ გაიყვანა.ბიანკონერების მცველი თავიდან დამაჯერებლად ასპარეზობდა, თუმცა შემდეგ უხეში შეცდომა დაუშვა და მისი გუნდი კინაღამ დაისაჯა : “ვფიქრობ, გასაკვირი არაფერია იმაში, რომ უკმაყოფილოები ვართ, დადებითი შედეგის დაფიქსირება გვსურდა.მინდა ირლანდიელები შევაქო, ბოლომდე იბრძოლეს, ფიზიკურად კარგად იყვნენ მომზადებულნი და ჩვენი შეცდომებით ისარგებლეს.მეტოქეს საკუთარი თამაში ვერაფრით მოვახვიეთ თავს, მათ კი მომენტი იდეალურად გამოიყენეს.ამ მატჩმა სწორ გზაზე უნდა დაგვაბრუნოს, ვისწავლოთ საკუთარ შეცდომებზე და გავიაზროთ, რომ ზოგჯერ წაგებაც შესაძლებელია.”