დიბალა:”ბარსელონა? მე უკვე დიდ კლუბში ვარ, მას იუვენტუსი ჰქვია და აქ დიდხანს დარჩენა მსურს”

Gazzetta პაულო დიბალას საინტერესო ინტერვიუს აქვეყნებს:

“კატალონიაში რატომღაც მესის მემკვიდრედ მიმიჩნევენ.. ეს სასიამოვნოა მაგრამ შეგახსენებთ ტურინში სულ რაღაც ერთი წელია რაც მივედი და აქედან წასვლაზე არც კი დავფიქრებულვარ. იუვეს რიგებში სუპერ თასი, იტალიის თასი და სკუდეტო მოვიპოვე.. გავიტანე გოლი და დავეხმარე თანაგუნდელებს თავის გამოჩენაში.. აქ ყველაფერი მაკმაყოფილებს, ბედნიერი ვარ და დიდხანს დარჩენა მსურს. ვერც კი წარმოიდგენთ როგორ სიყვარულს ვგრძნობ ქომაგებისგან, ხოლო კლუბს როგორც ერთ დიდი ოჯახს ისე დავახასიათებ. ჩემპიონთა ლიგა? მისი მოპოვება ვის არ უნდა, მაგრამ იუვენტუსი ბარსელონაზე, ბაიერნზე და რეალზე ნაკლები არაფრით არ არის. უფრო მეტიც 2 წლის წინ გუნდი ახლოს იყო სანუკვარ მიზანთან.. სამწუხაროდ მცირედი დაგვაკლდა ბაიერნთან მატჩში, სადაც უფრო მეტს ვიმსახურებდით ვიდრე დაფიქსირებული შედეგი..

დანი ორშაბათს იუვენტინო ოფიციალურად გახდება და ეს ბრწყინვალე სიახლეა.. მე ხშირად ვაკვირდებოდი მის და მესის გადაადგილებებს.. იუვემ ძალიან ტექნიკური და ამასთანავე ტაქტიკური ჭკვიანი ფეხბურთელი შეიძინა. იგი დაგვეხმარება როგორც დაცვაში, ასევე თავდასხმაშიც და იმედი მაქვს, მისი დახმარებით გოლების რაოდენობას მეტად გავზრდი..

პიანიჩის ტრანსფერმა სასიამოვნოდ გაკვირვებული დამტოვა, რადგან რომადან ტურინში გადასვლა იშვიათად დაფიქსირებულა.. თუმცა, დარწმუნებული ვარ არაერთ დედაქალაქელს მოუნდებოდა ჩვენი რიგების შევსება. უშუალოდ ფეხბურთელზე კი კარგის მეტი რა უნდა ითქვას? ჭკვიანი ნახევარმცველი, რომელიც პოგბასთან ერთად საუცხოო ტანდემს შექმნის.

პოგბაზე ახლა დიდი წნეხი ხორციელდება, მაგრამ ვიცნობ პოლს ვიცი რაოდენ მშვიდად ხვდება ამ ყოველივეს.. არის შემთხვევა როდესაც ყველაფერი ისე არ მიდის როგორც გსურს.. იუვეშიც იყო ასე მაგრამ კლუბმა მშვიდად ყოფნის და თამაშის საშუალება მისცა.. შედეგად ფრანგმა ყველაფერი წარმატებით დასძლია.. მოვისმინე ელკანის განცხადება.. დარწმუნებული ვარ პოგბა ტურინში დარჩება.. ჩვენ წინ დიდი წარმატება გველის. მასკერანო? რაც მეტი ძლიერი ფეხბურთელი გვეყოლება, მით უფრო სასიამოვნოა თამაში”.