#ForzaDaniDay “ალვეში იუვენტუსის დიდ ოჯახს შეუერთდა”

დანი ალვეში ოფიციალურად გახდა იუვენტუსის ფეხბურთელი. გთავაზობთ ბრაზილიელი მცველის პირველ ინტერვიუს : “ძალიან ბედნიერი ვარ, ავირჩიე იუვე იმიტომ, რომ ოცნება მიყვარს.ამ გუნდში უმაღლესი დონის ფეხბურთელები ასპარეზობენ.ტურინელებს დიდი ხანია ჩემპიონთა ლიგა არ მოუგიათ და იმედი მაქვს, ერთად ყველაფერს შევძლებთ.რაც შეეხება იტალიას, რამდენიმე წელია ბებერი ქალბატონი ლიდერია, კლუბს ყველანაირი რესურსი აქვს წარმატების მისაღწევად.იმედი მაქვს, აქ დიდ გამოცდილებას მივიღებ, ვიცხოვრებ ულამაზეს ქალაქში და შევეგუები ახალი სტილის ფეხბურთს.ძალიან მინდა, ოცნებები მე და იუვემ ერთად ავიხდინოთ.ნომერი ? – 23, ლებრონ ჯეიმსის საპატივცემულოდ ავირჩიე.ეს არის ადამიანი, რომელიც რეკორდებს ებრძვის, მას ძალიან ვაფასებ.მინდა ეს რიცხვი იღბლიანი აღმოჩნდეს ჩემთვის.”

დანი ალვეშმა ჩემპიონთა ლიგის მოგება “ბარსელონასთან” ერთად სამჯერ მოახერხა, ტურინელები კი ამ ტიტულზე უკვე წლებია ოცნებობენ : “სიმართლე გითხრათ, არ ვიცი, რა აკლია იუვეს ჩემპიონობისთვის.თანაგუნდელებს მალე შევხვდები და ერთად ვიბრძოლებთ ამ ტიტულისთვის.ლიგაზე წარმატების მისაღწევად სწორი მიდგომა, მომზადება და მოტივაციაა საჭირო, რის დეფიციტსაც ტურინში არავინ განიცდის, შესაბამისად, შანსი ყოველთვის არსებობს.პირდაპირ რომ ვთქვა, ევროასპარეზზე იუვენტუსი იტალიის ერთადერთი სახეა, მათ აქვთ ყოველთვის წარმატების ყველაზე დიდი შანსი, მადლობელი ვარ, რომ უფლება მექნება, ამ უნიკალური კოლექტივის ნაწილი გავხდე.”

“იმედი მაქვს, მალე შევიკრიბები მთელ გუნდთან ერთად, შესანიშნავ დროს გავატარებთ.რომელ ფეხბურთელსაც ვიცნობ, ყველა უმაღლესი დონის მოთამაშეა.რაც შემეხება მე, საკუთარ თავს ვარსკვლავად არ ვთვლი, მე ვარ მშრომელი მოთამაშე, რომელის წარმატებისთვის ყველაფერს აკეთებს.”

ალეგრისთან შეხვედრა ალვეშს უკვე მოუსწრია : “დიახ, მწვრთნელს ვესაუბრე, თუმცა დეტალურად არ გვილაპარაკია.მე ყველანაირად ვეცდები, იუვეს წარმატებაში ჩემი წვლილი შევიტანო.სანამ კონტრაქტს გავაფორმებდი, ჩემით რამდენიმე კლუბი ინტერესებოდა, მაგრამ ბებერი ქალბატონი ავირჩიე.მათ ჩემი სჯერათ, მენდობიან და მეც ვაფასებ ასეთ მიდგომას.”

წყარო : Football Italia