ფაულერი : “პოგბა 100 მილიონი არ ღირს”

გავრცელებული ჭორების თანახმად პოლ პოგბა მანჩესტერ იუნაიტედში ბრუნდება, ამის შესახებ ინგლისის ნაკრების ექს შემტევი განცხადებას აკეთებს:

ინგლისური და იტალიური პრესა წერს, რომ პოლ პოგბა მანჩესტერ იუნაიტედში სარეკორდო თანხით დაბრუნდება, სხვა და სხვა წყაროების თანახმად ეს თანხა 117-125 მილიონ ევროს შორის მერყეობს.

ამ კვირაში გავრცელდა ინფორმაცია, რომ რეალ მადრიდი ფრანგისთვის ბრძოლას გამოეთიშა, რაც მანჩესტერ იუნაიტედს ხელ-ფეხს უხსნის.

ახალგაზრდა ფრანგის შესახებ რობი ფაულერი საუბრობს, რომელიც ლივერპულის, მანჩესტერ სიტის და ლიდს იუნაიტედის ღირსებას იცავდა.

“მანჩესტერ იუნაიტედის შესახებ გავრცელებული ჭორები პოგბას შესახებ სრულად გვაჩვენებს თუ რა შეუძლია ამ კლუბს.

მანჩესტერი მასიური ბრენდია და მათ ფინანსურად საოცარი რესურსები აქვთ. დარწმუნებული ვარ, პოგბას შეძენის შემდეგაც დარჩებათ გარკვეული თანხა, რომელსაც სატრანსფერო ფანჯარაზე მოიხმარენ.

მაგრამ 100 მილიონი? მაპატიეთ, მაგრამ პოგბა ამდენი არ ღირს. პოგბას პრესტიჟი გადაჭარბებულია.

მისი თამაშის ხარისხზე ბევრი საუბრობს იტალიაში, მაგრამ მე მის განსაკუთრებულობას ევროპაში ვერ ვხედავ, ეს ევროპის ჩემპიონატმაც გვაჩვენა.

პოგბამ ნორმალურად ჩაატარა ყველა მატჩი, მაგრამ ეს იმას არ ნიშნავს, რომ ის 100 მილიონი ღირს.”-აცხადებს ინგლისელი ვეტერანი.

წყარო : Gazzetta