სატრანსფერო ჭორები და სიახლეები

ახალი სამუშაო დღე დაიწყო და ტურინის “იუვენტუსთან” დაკავშირებით სხვადასხვა გამოცემები საინტერესო ინფორმაციებს ავრცელებენ..

უპირველეს ყოვლისა, თავდასხმის ხაზის შესახებ უნდა ვთქვათ.ალვარო მორატას გუნდიდან წასვლის შემდეგ იგივე გზას შესაძლოა სიმონე ძაძაც დაადგეს, ჯუზეპე მაროტა “ვოლსბურგის” 30 მილიონიან შემოთავაზებას საკმაოდ სერიოზულად განიხილავს და დიდი ალბათობით, მას დათანხმდება კიდეც.ამ ტრანსფერის შედეგად ხელმძღვანელობას 60 მილიონი დაუგროვდება, რომლის რეინვესტირებასაც ისინი მაღალი დონის ფორვარდში აპირებენ.ტუტოსპორტის მტკიცებით, მთავარ სამიზნედ გონსალო იგუაინი მიიჩნევა.არგენტინელს “ნაპოლის” პირველ პირებთან იდეალური ურთიერთობა არ აქვს და არაა გამორიცხული, კლუბი ამ სატრანსფერო ფანჯრის პერიოდში დატოვოს.იტალიის ჩემპიონატის გასული სეზონის საუკეთესო ბომბარდირის ალტერნატივად მაურო იკარდი მიიჩნევა, ნახსენებია კარიმ ბენზემას სახელიც, მაგრამ ნაკლებ სავარაუდოა, “რეალმა” ფრანგთან განშორება მოისურვოს.

კორიერე დელო სპორტის ცნობით კი ტურინში ხუან კუადრადოს დაბრუნება საკმაო სირთულეებთანაა დაკავშირებული.საქმე იმაშია, რომ “ჩელსი” კოლუმბიელის სანაცვლოდ 30 მილიონ ევროს ითხოვს, მაროტა/პარატიჩის დუეტი კი მხოლოდ 22-25 მილიონის გადახდაზე არიან თანახმა.აღსანიშნავია, რომ საქმეში უკვე ჩაერთო მილანის “ინტერი”, რომელსაც ჩინურმა კომპანიამ ტრანსფერებისთვის საკმაოდ სოლიდური თანხა გამოუყო.ამ შემთხვევაში, დიდი როლი შესაძლოა ითამაშოს თავად ფეხბურთელის სურვილმა, უკვე არაერთხელ გაესვა ხაზი იმ ფაქტს, რომ კუადრას ალეგრის გუნდში სურს ასპარეზობა.

რობერტო პერეირა “ნაპოლის” უახლოვდება.გაზეტას მიერ გავრცელებული ინფორმაციის თანახმად, ნეაპოლელებმა ფეხბურთელის აგენტთან საერთო ენა გამონახეს და არგენტინელი მზადაა, დე ლაურენტისის მორიგი ტრანსფერი გახდეს.ტურინელები მის სანაცვლოდ 18 მილიონ ევროსა და დამატებით ბონუსებს მიიღებენ.დღეს მილანში პერეირას აგენტი ლურჯების წარმომადგენელს შეხვდება და საბოლოოდ მოაგვარებს ხელშეკრულების დეტალებს.

და ბოლოს, მარკო პიაცაზეც ვთქვათ.კორიერე დელო სპორტი ავრცელებს ინფორმაციას, რომ ბიანკონერების გულშემატკივრებს სანერვიულო არაფერი გვაქვს, ფაბიო პარატიჩის 21 წლის ნახევარმცველის ტრანსფერი მოგვარებული აქვს და მისი ოფიციალურად დადასტურება მხოლოდ საათების საკითხია.კვირის ბოლოს, ან მომავალი კვირის დასაწყისში ზაგრების “დინამოს” წევრი ტურინში ჩავა და სამედიცინო შემოწმებას გაივლის.ხორვატები მის სანაცვლოდ 23 მილიონ ევროს მიიღებენ.

წყარო : Tuttojuve