ალეგრი : “იგუაინის დონის ფეხბურთელებს ყოველთვის მივესალმები”

პირველი მეგობრული მატჩის შემდეგ ვინოვოს პრესს-ცენტრში მასიმილიანო ალეგრი ჟურნალისტებს შეხვდა..

“ათი დღეა ვინოვოს სამწვრთნელ ბაზაზე ვემზადებით და ავსტრალიაში გამგზავრების წინ აუცილებლად გვჭირდებოდა მცირე ტესტი.პიანიჩმა იდელურად იცის, თუ რას ნიშნავს ფეხბურთის თამაში, მას ნახევარდაცვის ყველა პოზიციაზე შეუძლია ასპარეზობა.მირალემი დიბალას შესანიშნავად შეუწყვილდა.ფიზიკური ფორმის გასაუმჯობესებლად ახლა უფრო მეტი დრო გვაქვს, რადგან სუპერთასისთვის მატჩს გასული სეზონისგან განსხვავებით აგვისტოში არ ვთამაშობთ.”

“ევროპის ჩემპიონატზე მოასპარეზე ფეხბურთელებს მოუთმენლად ველით.რაც შეეხება ფრანგებს, იმედი მაქვს, პოგბა ჩვენს გუნდში დარჩება.სატრანსფერო ბაზარზე საუბარი არ მსურს, ამ მომენტისთვის ჩემს განკარგულებაში არაერთი უმაღლესი დონის მოთამაშეა, ამით კმაყოფილი ვარ.მოახლოვებულ სეზონს ბევრად უფრო რთულს ველი, მოწინააღმდეგე გუნდები ძლიერდებიან და სკუდეტოსთვის იბრძოლებენ.”

“იგუაინი ? – ტოპ დონის ფეხბურთელებს ყოველთვის მივესალმები, ევროპაში წარმატების მისაღწევად ხარისხის გაზრდაა საჭირო.იუვენტუსმა საკუთარი მოგზაურობა ხუთი წლის წინ დაიწყო და მას შემდეგ შენება გრძელდება.”