Sky & დი მარციო : იგუაინმა სამედიცინო შემოწმება გაიარა

რამდენიმე წუთის წინ სკაი სპორტმა გონსალო იგუაინის თაობაზე საგულისხმო ინფორმაცია გაავრცელა..

იტალიური გამოცემის ცნობით, არგენტინელ ფორვარდს ჯუზეპე მაროტასთან კონტრაქტის დეტალები შეთანხმებული აქვს და ფეხბურთელმა სამედიცინო შემოწმებას არა ტურინში, არამედ მადრიდში გაიარა, ბებერი ქალბატონის წარმომადგენლებთან.პიპიტა ახალ კლუბთან 4 წლიან კონტრაქტს მოაწერს ხელს, მისი ანაზღაურება კი 7,5 მილიონი ევრო იქნება.ბუნებრივია, “ნაპოლი” მის თაობაზე მოლაპარაკებებში ჩართვას არ აპირებს და ტურინელებს მოუწევთ, 94 მილიონი ევრო გადაიხადონ.

აღსანიშნავია, რომ ეს ინფორმაცია თავის ოფიციალურ ვებ-გვერდზე ჯანლუკა დი მარციომაც დაადასტურა.იგი სკაის მიერ გავრცელებულ ცნობებს ადასტურებს და ამასთან, აცხადებს, რომ ჯუზეპე მაროტა “ნაპოლის” დღეს ან ხვალ დაუკავშირდება და განუცხადებს, რომ “იუვენტუსი” იგუაინის კონტრაქტში არსებულ პუნქტს გამოიყენებს, ანუ გადაიხდის 94 მილიონ ევროს და პიპიტას ტურინში გადმოიყვანს.28 წლის ფეხბურთელი ლა მორალეიას კლინიკას გუშინ ეწვია და ანალიზები ჩაიტარა, მასთან ერთად იმყოფებოდნენ ჯუზეპე მაროტა და ფაბიო პარატიჩი, აღსანიშნავია, რომ ისინი სერია ა – ს ახალი სეზონის კენჭყისყრაზე არ იმყოფებოდნენ, რაც ფრიად საინტერესო ამბავია.

ესპანური პრესის ცნობით კი, მინო რაიოლა მადრიდშია და ამჯერად “რეალის” წარმომადგებლებთან მართავს შეხვერას.ფრანგის აგენტი ფლორენტინო პერესის წინადადებას მოისმენს და შემდეგ გადაწყვეტს, რომელი წინადადებაა მეტად მისაღები პოგბასთვის.

პარალელურად, მაროტა ხუან კუადრადოს სიტუაციას აკვირდება, კოლუმბიელს გუნდიდან წასვლა სურს და “ჩელსიც” მზადაა, იგი გაასხვისოს.ფაქტია, რომ ამ მომენტისთვის მომგებიან სიტუაციაში მილანი იმყოფება.

წყარო : Tuttojuve