ტოტი:”ფეხბურთი შეიცვალა და იგი უკვე ბიზნესის ნაწილი გახდა”

ფრანჩესკო ტოტისთვის ძალზედ მტკივნეულია ის ყოფა რაც ახლა კალჩოში ტრიალებს.. ყველაფერთან ერთად იგი გონსალო იგუაინის ტურინში ტრანსფერს მკვეთრი ტონით გამოეხმაურა:

“დღევანდელი ფეხბურთი შეიცვალა.. ფეხბურთელები გადაწყვეტილებას არა გულის კარნახით, არამედ ანაზღაურების სიდიდით იღებენ.. სწორედ ამაშია ჩემი და დანარჩენი საფეხბურთო სამყაროს განსხვავება.

ჩემს გარდა კიდევ არიან ასეთები, მაგრამ მათი რიცხვი ყოველწლიურად მცირდება.. პირადად ჩემთვის ფული, რომ მნიშვნელოვანი ყოფილიყო, რომას ჯერ კიდევ 10 წლის წინ დავტოვებდი.. მაგრამ არა.. ჩემი კლუბის ფერებზე შეყვარებული ვარ და მის გაცვლაზე არასოდეს დავფიქრებულვარ.

ახლა ვითარება შეცვლილია.. მოქმედების ეპიცენტრში არის ფული.. ფეხბურთელები ხშირად იცვლიან გუნდებს, რათა მეტი თანხა გამოიმუშავონ.. შესაბამისად სპორტის ნომერ პირველი სახეობა არა გართობა, არამედ ბიზნესის წარმატებული დარგი გახდა.

ქომაგი სტადიონზე სანახაობისთვის მოდის.. იგი გულშემატკივრობს საკუთარ გუნდს, ფეხბურთელებს, რომელიც მისთვის შეუცვლელია.. მას სწამს, რომ კონკრეტული ფიგურა ამ კლუბს არასოდეს მიატოვებს..

შეხედეთ რა მოხდა იგუაინთან დაკავშირებით.. ეს ხომ კატასტროფაა!”