“იუვენტუსის” მთავარი სამიზნე ვიტსელია

ტურინის “იუვენტუსის” მთავარ სამიზნედ კვლავაც აქსელ ვიტსელი რჩება..

ბელგიის ეროვნული ნაკრების წევრს ტურინულ გრანდში სურს კარიერის გაგრძელება, თუმცა რუსებთან საერთო ენის გამონახვა არც ისე მარტივია.”ევერტონი” მზადაა, ვიტსელის სანაცვლოდ “ზენიტს” 30 მილიონი ევრო გადაუხადოს, თუმცა ტრანსფერს თავად ფეხბურთელის სურვილი აფერხებს.ჯუზეპე მაროტას პირველი შეთავაზება, რომელიც სანკტ-პეტერბურგელების მიერ დაიბლოკა 18 მილიონ ევროს შეადგენდა, აქსელს ამჟამინდელი კლუბი დაახლოებით 25 მილიონად აფასებს და იმედი აქვს, რომ სწორედ ამ თანხად ან უფრო მეტად მოახერხებს მის გასხვისებას.

რაც შეეხება გაბიგოლს, იგი ამჟამად ბრაზილიის ოლიმპიურ ნაკრებთან ერთად იმყოფება და შესაბამისად, მისი მომავალი ძმისა და მამამისის ხელშია.”სანტოსი” ბიანკონერების მიერ შეთავაზებულ 18-20 მილიონ ევროს დათანხმდა და გადაწყვეტილება თავად ბარბოსამ უნდა მიიღოს.ტურინელებს იმედი აქვთ, რომ “ბარსელონა” საქმეში სერიოზულად არ ჩაერთვება და შესაბამისად, გაბრიელი კარიერას ბებერ ქალბატონში განაგრძობს.აღსანიშნავია, რომ მთლიანად გადაწყვეტილებას ფეხბურთელი ვერ მიიღებს, რადგან მის უფლებათა პაკეტს რამდენიმე კომპანია ფლობს.”სანტოსის” მხოლოდ 40 პროცენტია, დარჩენილ 60 პროცენტს კომპანია Doley ფლობს და მაროტამ სწორედ ამ კომპანიის მოთხოვნილებები უნდა დააკმაყოფილოს.დი მარციოს მტკიცებით, საორიენტაციოდ 25 მილიონზე მხარეები შეთანხმდებიან.

წყარო : Tuttojuve