“იუვენტუსი” ვიტსელში 23 მილიონ ევროს იხდის

აქსელ ვიტსელისთვის ბრძოლა ნელ-ნელა სერიოზულ სახეს იღებს..

ჯუზეპე მაროტასთვის ბელგიელი ნახევარმცველი უპირველესი არჩევანია და ბიანკონერების სპორტული დირექტორი რაც შეიძლება მალე ეცდება ტრანსფერის მოგვარებას.მართალია, “ზენიტის” ხელმძღვანელობას მოთამაშის “ევერტონში” გასხვისება მეტად სურს, ვინაიდან ბრიტანელები 30 მილიონ ევროს იხდიან, თუმცა თავად ფეხბურთელს კარიერის გაგრძელება ბიანკონერებში სურს და როგორც წესი, სურვილი ასეთ დროს დიდ როლს თამაშობს.

იტალიური პრესის მტკიცებით, უახლოეს დღეებში პეტერბურგელები მორიგ შეთავაზებას მიიღებენ, ამჯერად 23 მილიონიანს, ნემანია მატიჩის გასხვისებას “ჩელსი” არ აპირებს და მაროტას ეშინია, ბელგიელიც არ დაუსხლტეს ხელიდან.

წყარო : Football Italia