კარლო ლაუდისა:”ტურინელთა ნახევარდაცვაში მნიშვნელოვან ცვლილებებს უნდა ველოდოთ”

პოპულარული იტალიელი ჟურნალისტი კარლო ლაუდისა ბიანკონერის სატრანსფერო თემაზე ძალზედ საინტერესო დეტალებს ახმაურებს:

“ბიანკონერი არსად არ ჩქარობს და შესაძლოა საკუთარი ტაქტიკით წარმატებას მიაღწიოს..

მაგალითისთვის ავიღოთ სიტუაცია, რომელიც აქსელ ვიტსელთანაა დაკავშირებული.. რუსებს ბელგიელი თავის დროზე 40 მილიონი დაუჯდათ.. ახლა კი მზად არიან ნახევარ ფასში შეელიონ.. მათ პრინციპში სხვა გზა არა აქვთ.. მაროტას ფეხბურთელთან დეტალები შეთანხმებული აქვს და შესაბამისად, სხვა წინადადებებს აქსელი მშვიდად უარობს. მას აინტერესებს იუვეს პროექტი და ეს ყოველივე საქმეს იოლს ხდის. ამიტომაც არ ჩქარობს ტურინი.. მათ პირველი ნაბიჯი გადადგეს და რუსებს ფაქტიურად გზა მოუჭრეს..

მატიჩი.. იგი ერთი-ორად პრობლემატური მოსაგვარებელი ხდება, მაგრამ აქაც თუ იუვე მოითმენს შესაძლოა ხელსაყრელ თანხად ორი კარგი ნახევარმცველი ჩაიგდოს.. ერთია რას საუბრობს კონტე და მეორეა, რომ მატიჩს სკამზე ჯდომა არ სურს. შედეგად, აგვისტოს ბოლოს ყველაფერი შეიძლება მოხდეს..

არ უნდა დავივიწყოთ ასევე მატუიდი და ლუის გუსტავო.. მათ ალეგრი ასევე განიხილავს.. ნებისმიერ შემთხვევაში ჩვენ ორ ახალ სახეს უნდა ველოდოთ, რომლებიც ნახევარდაცვაში პიანიჩთან ერთად ამინდს შექმნიან”.