ლემინა:”ჩინებულ ფორმაში ვართ”

მიკროფონთან არის მარიო ლემინა:

“თავს არაჩვეულებრივად ვგრძნობ.. ფაქტია წინასაზაფხულო შეკრებამ დადებითად იმოქმედა.. ტურინელთა რიგებში ეს ჩემთვის პირველი გამოცდილება იყო და ყველაფერმა იდეალურად ჩაიარა..

არაჩვეულებრივი შემადგენლობა გვყავს, რომელსაც ძალუძს უმაღლესი მიზნების მიღწევა.. ჩემი პოზიცია? დიახ, ამაზე ბევრს საუბრობენ, მაგრამ კონკრეტულად არაფერს გეტყვით.. მთავარია, რომ მწვრთნელის განკარგულებაში ვიმყოფები და მზად ვარ მისი თითოეული მითითება შევასრულო. ბუნებრივია გარკვეულ ასპექტში კიდევ შემიძლია მომატება.. ეს ეხება, როგორც საყრდენის პოზიციას ასევე შემტევ მანევრირებებს.

პირველი მატჩი? ფლორენციელებს ძლიერი გუნდი ჰყავთ.. გაგვიჭირდება, მაგრამ გამარჯვებისთვის ყველაფერს გავიღებთ.. ფაქტია, დიდ ძალებს მოითხოვს, მაგრამ იუვენტუსს სხვაგვარად არ შეუძლია.”