ბენატია : “ჩვენი მიზანი ტრიპლეტის შესრულებაა”

პრიმავერასთან მატჩის დაწყებამდე რამდენიმე წუთით ადრე ჟურნალისტებს ბიანკონერების ერთ-ერთი ახალწვეული, მეჰდი ბენატია გაესაუბრა..

“არ დაგავიწყდეთ, რომ ორი წლის წინ იუვემ ჩემპიონთა ლიგის ფინალში ითამაშა, წინა სეზონში კი ბავარიასთან ძალიან არ გაუმართლა.ეს უძლიერესი გუნდია, რომელიც მიმდინარე სატრანსფერო ფანჯრის პერიოდში კიდევ უფრო გაძლიერდა, ვგულისხმობ გონსალო იგუაინისა და კიდევ რამდენიმე მოთამაშის ტრანსფერს.მთავარი მიზანი რა თქმა უნდა ზედიზედ მეექვსე სკუდეტოს მოგებაა, ანუ იმის მიღწევა, რაც აქამდე არავის გაუკეთებია.ასევე კოპა იტალია და ჩემპიონთა ლიგა, გვინდა სეზონის დასრულების შემდეგ სამივე ტიტული ჩვენი იყოს.დაბრკოლებას შეიძლება გადავაწყდეთ ნებისმიერ მოწინააღმდეგესთან მატჩში, ჩვენთვის არ არსებობენ სუსტი და ძლიერი გუნდები, ჩვენთვის თითოეულ მატჩში გამარჯვებაა უმნიშვნელოვანესი.”

“ტურინელთა დაცვა ? – ევროპის ჩემპიონატზე მათ ასპარეზობას თვალი ვადევნე და მოვიხიბლე, თავიანთ პოზიციებზე იტალიელები საუკეთესოები არიან.იუვეს სეზონში 55 შეხვედრის ჩატარება მაინც მოუწევს და ვფიქრობ, ყველა ფეხბურთელი თანაბრად საჭიროა.წარმატებისთვის აუცილებელია ყველა პოზიციაზე მაღალი დონის მოთამაშეები გყავდეს.მათთან კონკურენციაზე არ ვფიქრობ, მთავარია ალეგრის დავჭირდე, მე მზად ვიქნები.იმედი მაქვს, ტრავმები არ შემაწუხებს, გერმანიაში ორი წლის განმავლობაში დიდი ხანი გავატარე ლაზარეთში, მინდა მომავალ სეზონს მწყობრში შევხვდე.იუვე ავირჩიე იმიტომ, რომ უდიდესი გრანდის ნაწილი ვიყო, ძილის წინ სასტარტო შემადგენლობაზე კი არა, ფორმაში ყოფნაზე ვფიქრობ.ფიზიკურად, ფსიქოლოგიურად იდეალურ მდგომარეობაში უნდა ვიყო და წარმატებას აუცილებლად მივაღწევ.”

“ადაპტაცია ? – ვფიქრობ, მარტივად გავიარე, პირველი დღიდან თანაგუნდელებთან ერთად ვვარჯიშობდი და უკვე ორი გოლის გატანაც შევძელი ახალი მაისურით, მართალია, მეგობრულ მატჩებში თუმცა მაინც.იუვენტუსის თითოეულ ფეხბურთელს სისხლში აქვს გამარჯვება, მეც ზუსტად ასეთი ვარ, მინდა ბევრი ტიტული მოვიგო.თავს ბედნიერად ვგრძნობ.”

“მაროკოს ნაკრების მთავარ მწვრთნელს, ჰერვე რენარდს ტრანსფერამდე რამდენიმე დღით ადრე დავუკავშირდი და ვუთხარი, რომ იუვეში მივდიოდი, გადაწყვეტილება მომეწონა, იტალიის ჩემპიონატში ყველაზე კარგად ვგრძნობ თავს.პიანიჩი ? – ჩვენი მეგობრობა ჯერ კიდევ რომიდან მოდის და ყველამ იცის, რომ შესანიშნავი ურთიერთობა გვაქვს.როცა ახალ გუნდში ასეთ მეგობარს პოულობ, ყველაფერი გიადვილდება.საერთო ჯამში კი, იუვენტუსი მეგობრული კოლექტივია, აქ ყველა ცდილობს ერთმანეთს დაეხმაროს.”

წყარო : Football Italia