ალეგრი : “ძაძა ვესტ ჰემში გადაბარგებასთან ახლოსაა”

“ლაციოსთან” მატჩამდე ერთი დღით ადრე მასიმილიანო ალეგრი ჟურნალისტებს შეხვდა..

“უპირველეს ყოვლისა, იმ ფეხბურთელებზე გავაკეთებ კომენტარს, რომლებიც განაცხადში არ იმყოფებიან. სიმონე ძაძა ლონდონში იმყოფება და ვესტ ჰემში გადაბარგებასთან ახლოსაა, გუნდს დატოვებს ლუკა მარონეც, ლეონარდო ბონუჩი კი პირადი მიზეზების გამო ტოვებს ბიანკოჩელესტისთან დაპირისპირებას.

ლიგის კენჭისყრა ? – ერთადერთი, რაც ამ მომენტისთვის მაინტერესებს იტალიის ჩემპიონატია, ხვალ მეორე ტურის შეხვედრა გველის, თან ძალიან მნიშვნელოვანი.ლაციალეს შესანიშნავი გუნდი ჰყავს, მათ დრამატულ მატჩში მოიპოვეს გამარჯვება ატალანტას წინააღმდეგ.დედაქალაქში სტუმრობისას მარტივი დაპირისპირებები არ არსებობს, სამი ქულის მოსაპოვებლად ყველაფერს გავაკეთებთ.

ლიგას რაც შეეხება, სევილია ერთადერთი გუნდია, რომელმაც ევროპის ლიგა სამჯერ მოიგო, შესანიშნავი შედეგია. სამპაოლი მაღალი დონის სპეციალისტია, თუმცა უნაი ემერისგან ოდნავ განსხვავებული.ჯგუფში მყოფი სამივე გუნდი სერიოზულ კონკურენტებს წარმოადგენენ ჩვენთვის, თუმცა მოდით, ამაზე მოგვიანებით ვისაუბროთ. ტურნირის დაწყებამდე სანაკრებო პაუზებია.”

“მატუიდი ? – სხვა გუნდის ფეხბურთელებზე საუბარი ჩემი მოვალეობა ნამდვილად არ არის, ის რაც ჯუზეპე მაროტამ თქვა, მისი უფლებაა.ამ მომენტისთვის მხოლოდ ხვალინდელ მატჩზე ვფიქრობთ, შემდეგ შესვენებებია და კვლავ ვინოვოს დავუბრუნდებით.შემადგენლობა ? – რამდენიმე საკითხი გადასაწყვეტია, მაგალითად, ვინ ითამაშებს მცველების წინ, პიანიჩი თუ ლემინა.მირალები მწყობრშია და საკმაოდ კარგ ფიზიკურ მდგომარეობაში იმყოფება, თუმცა ადაპტაციის გავლას გარკვეული პერიოდი სჭირდება.იგუაინი იდეალურ ფორმას უახლოვდება, ბოლო დღეებში გონსალოს მცირე ტკივილები აწუხებდა და ამიტომ ხვალ ძირითადში მანჯუკიჩი იქნება.”

“დიდი მნიშვნელობა აქვს, ვის წინააღმდეგ ვთამაშობთ და რა ტაქტიკა გვაქვს არჩეული, ზოგჯერ ლემინას მსგავსი ფიზიკურად ძლიერი მოთამაშე გვჭირდება, ზოგჯერ ტექნიკური.გარწმუნებთ, იქნება მატჩები, როცა პიანიჩის წინ სამი ფორვარდი იასპარეზებს, დიბალა, მანჯუკიჩი, იგუაინი ან პიაცა.ყველაფერს თითოეული დაპირისპირების წინ გადავწყვეტ, ასე იყო წინა კვირას და ასე იქნება ხვალ.მინდა გითხრათ, რომ დაცვის მხრივ პიანიჩს არანაირი პრობლემა არ აქვს, იგი ფიზიკურ ბრძოლებში შესვლას არ ერიდება და მცველების წინ შესანიშნავად ასპარეზობს.”

“ბონუჩის არ ყოფნა არ ნიშნავს იმას, რომ ოთხი მცველით ვითამაშებთ, ლეოს ბენატია ჩაანაცვლებს, ან ბენატია, ან დანიელე რუგანი.მეტოქეები ? – მათზე ნამდვილად არ ვფიქრობ, წარუმატებელი სტარტი არაფერს წყვეტს, შარშან ათი თამაში გაგვიჭირდა ფორმაში ჩადგომა, თუცმა დავბრუნდით.მახსოვს, სადღაც წავიკითხე, მანჯუკიჩს გოლები ვერ გააქვს და იუვენტუსი სკუდეტოსთვის ვერ იბრძვისო, შემდეგ ყველაფერი პირიქით მოხდა.პირველი მატჩების შემდეგ თუ გავაკეთებთ დასკვნებს, ტიტულისთვის ვერც ინტერი იბრძოლებს და ვერც ნაპოლი, რომას კი ოთხშაბათს ხასიათი გაუფუჭდა.11 კაცის წინააღდეგ 9 ფეხბურთელს ბრძოლა გაუჭირდებოდა, ეს მოსალოდნელი იყო, თუმცა სპალეტის კარგი გუნდი ჰყავს და ისინი იტალიის ჩემპიონობისთვის იბრძლებენ.”

წყარო : Tuttojuve