სიტუაცია ლიხტშტაინერთან დაკავშირებით

ლიხტშტაინერთან დაკავშირებით ახალი ცნობებია:

ფეხბურთელს არ სურს მესამე არჩევანის როლში ყოფნა და გუნდიდან წასვლა აქვს გამიზნული.. ინტერი კონტაქტზეა, მაგრამ მზადაა მხოლოდ 2-3 მილიონი ევრო გაიღოს..

იუვენტუსი თავის მხრივ შვეიცარიელის იტალიაში გაყიდვას არ გეგმავს, მითუმეტეს მაშინ როდესაც ნერიაძურიმ ბროზოვიჩი პრინციპულად არ გაასხვისა იუვეში. მაროტა მხოლოდ 10 მილიონიან წინადადებას განიხილავს.. ინტერი კი ასეთ წონად კატეგორიაში ახლა ნამდვილად არ იმყოფება.

სხვათაშორის ინტერმა მასთან შეთანხმებას კონტრაქტის თაობაზე მიაღწია და თუ დავუშვათ ლიხტა მართლა აღმოჩნდება ნერიაძურელთა რიგებში, მაშინ მისი წლიური ანაზღაურება 2.5 მილიონი ევრო იქნება სამი სეზონის მანძილზე.

გუშინ, ერთმანეთს პარატიჩი და სტეფანი აგენტი შეხვდნენ.. კულუარული ინფორმაციით მათ შორის მცირედი დაძაბულობა შეიქმნა, რომელიც იუვენტუსის პოზიციის ბრალია.. მათ არ სურთ სტეფანთან დამშვიდობება, ხოლო კონტრაქტის მიხედვით იგი იუვეში კიდევ ერთი სეზონით უნდა დარჩეს.

ერთი სიტყვით მაროტა მის გასხვისებას არ გეგმავს, მაგრამ უკიდურეს შემთხვევაში დათანხმდება შვეიცარიელის საზღვარგარეთ წასვლას.. მაგალითად გერმანიაში სადაც მისით ბორუსია და შალკე ინტერესდებიან.