ბიანკონერები ეროვნულ ნაკრებებში

ტურინის “იუვენტუსიდან” ეროვნულ ნაკრებში გამოძახებულმა ფეხბურთელებმა პირველი შეხვედრები ჩაატარეს..

დავიწყოთ სამხრეთ ამერიკით და არგენტინის ეროვნული ნაკრებით.ალბიჩელესტე ურუგვაის საკუთარ მოედანზე დაუპირისპირდა და 1-0 დაამარცხა, ლეო მესის გოლით.ძირითად შემადგენლობაში იმყოფებოდა ბებერი ქალბატონის ერთ-ერთი ლიდერი, პაულო დიბალა, თუმცა ყველასთვის მოულოდნელად, მან პირველივე ტაიმში მიიღო ორი ყვითელი ბარათი და მოედნიდან გააძევეს.პირველი გაფრთხილება ტურინელთა შემტევს მცირე უხეშობისთვის უჩვენეს, ტაიმის მიწურულს კი პაულომ უხეში ვარდნა გაუკეთა ედინსონ კავანის და მსაჯი იძულებული იყო, არგენტინა მინდორზე 10 კაცით დაეტოვებინა.შემდეგ მატჩს ედგარდო ბაუზას გუნდი 7 ივნისს ჩაატარებს ვენესუელას წინააღმდეგ, თუმცა იმ შეხვედრაში დიბალა დისკვალიფიცირებული იქნება და სავარაუდოდ, ვადაზე ადრე დაუბრუნდება ვინოვოს ბაზას.ამ მომენტისთვის არგენტინელები 14 ქულით პირველ პოზიციაზე იმყოფებიან.

ძირითად შემადგენლობაში იმყოფებოდა კოლუმბიის ნაკრებში ხუან კუადრადოც, რომელიც სულ ორი დღის წინ დაბრუნდა “იუვენტუსის” რიგებში.კოლუმბიელებმა ვენესუელა დაამარცხეს 2-0 ხამეს როდრიგესისა და მანელი ტორესის გოლებით.კუადრადო 70′ წუთზე ლუის მურიელმა შეცვალა.აღსანიშნავია, რომ ამ შეხვედრაში მასპინძლებმა ორი პენალტის გატანა ვერ შეძლეს, ჯერ კარლოს ბაკამ ააცილა, შემდეგ კი როდრიგესმა.კოლუმბია 13 ქულით მესამე ადგილზეა.

იოლი გამარჯვება იზეიმა ბრაზილიის ეროვნულმა ნაკრებმა, რომლის შემადგელობაშიც დანი ალვეში გამოდის.სელესაომ სტუმრად ეკვადორს მოუგო 3-0, ნეიმარის გოლისა და გაბრიელ ჟეზუსის დუბლის წყალობით.ტურინელთა მარჯვენა მცველმა მინდორზე 90 წუთი დაჰყო.ლეონარდო ბაკის, იგივე ტიტეს გუნდი 12 ქულით მეხუთე ადგილზეა და 1 ქულით ჩამორჩება წუხანდელ მეტოქეს, ეკვადორის ნაკრებს.აქვე გეტყვით, რომ 7 სექტემბერს კოლუმბიელები ბრაზილიელებს დაუპირისპირდებიან, ანუ ალვეში კუადრადოს წინააღმდეგ იასპარეზებს.

იტალიის ეროვნული ნაკრები ამხანაგურ მატჩში საფრანგეთს დაუპირისპირდა და 1-3 დამარცხდა.ბარიში გამართული შეხვედრა სადებიუტო იყო ჯამპიერო ვენტურასთვის, გამოცდილმა სპეციალისტმა სამწუხაროდ მარცხით დაიწყო.ბიანკონერებიდან ძირითად შემადგენლობაში ჯიჯი ბუფონი, ანდრეა ბარძალი და ჯორჯო კიელინი იმყოფებოდნენ, ამ უკანასკნელმა მატჩი სრულად ჩაატარა, დანარჩენი ორი მოთამაშე კი მეორე ტაიმში შეცვალეს.ოფიციალურ შეხვედრას იტალიელები 5 სექტემბერს ჩაატარებენ ისრაელის ნაკრების წინააღმდეგ.

ალბანეთთან მეგობრული მატჩი ჩაატარა მაროკოს ნაკრებმა, თუმცა მწვრთნელმა მეჰდი ბენატიას დასვენების საშუალება მისცა.შეხვედრა ფრედ, 0-0 დასრულდა.მაროკოელები 4 სექტემბერს აფრიკის თასის კვალიფიკაციაზე საო ტომეს და პრინციპეს ეთამაშებიან.

გერმანელებმა 2-0 დაამარცხეს ფინეთი, ეს ბასტიან შვაინშტაიგერის ბოლო მატჩი იყო ეროვნულ ნაკრებში და ძირითადი აქცენტი სწორედ ბასტიზე გაკეთდა.სამი ხედირა სათადარიგოთა სკამზე იმყოფებოდა და მინდორზე არ შემოსულა.4 სექტემბერს გერმანელები ნორვეგიის ეროვნულ გუნდს დაუპირისპირდებიან, ეს უკვე ოფიციალური შეხვედრა იქნება.