ფეხბურთელების შეფასებები

გთავაზობთ ტურინელთა შეფასებებს კალიარისთან გამართული მატჩის შემდეგ:

ბუფონი – 6 – ერთადერთ ეპიზოდში ჩაერთო და შეძლო მასთან მარტივად გამკლავება – საგულისხმოა, რომ მეორე ნახევარში მის ნაცვლად კარი ნეტომ დაიცვა.

რუგანი – 7 – მისი გოლი მნიშვნელოვანი იყო და თან საჭირო დროს.. ანგარიში ხომ 0-0 იყო, როდესაც ახალგაზრდა მცველმა იგი გახსნა.. საიმედოა დაცვაში და შეიძლება ითქვას, რომ ალეგრის ძლიერი კადრი ჰყავს სათადარიგოთა სკამზე.

ბარძალი – 6.5 – შესაძლოა ამ პოზიციაზე ბონუჩის მახასიათებლები არა აქვს, მაგრამ გუნდს ფიზიკურ მდგრადობას და ბალანს მატებს.

კიელინი – 6.5 – ჩვეულ სტილშია.. ხისტი, უკომპრომისო და ფაქტიურად შეცდომის გარეშე.. ხშირ შემთხვევაში გუნდს შეტევაშიც ეხმარებოდა.

ალვეში – 7 – მისი პირველი გოლი სერია ა-ში.. ეფექტური შორეული დარტყმა, რომელიც სტორარისთვის აუღებელი აღმოჩნდა. თუ იგი ფორმაშია, მაშინ ფაქტიურად შეუცვლელი ფიგურაა.

ლემინა – 7 – მაშინ, როდესაც ყველა მარკიზიოს დაბრუნებას ელის.. თან იანვრის სატრანსფერო ფანჯარას უცდის, ლემინა ნამდვილად საიმედო კადრად ჩამოყალიბდა.. ეხმარება გუნდს და ცდილობს მაქსიმალურად პროდუქტიული იყოს.. ამ პერიოდში მისი ნებისმიერი პოზიტიური ქმედება, ფრიად საყურადღებოა..

ჰერნანეში – 6.5 – ბედის ირონიაა.. სატრანსფერო ფანჯრის ბოლო დღეებში იყო ვარიანტი, რომ ბრაზილიელი კალიარიში გადავიდოდა.. მას ზოგ-ზოგიერთი უსტვენდა კიდევაც იუვე არენაზე.. მან კი პასუხად მშვიდი, გაწონასწორებული და საიმედო თამაში აჩვენა.

პიანიჩი – 7.5 – ბოსნიელმა ჩაგდებული მატჩის შემდეგ სრულებით სხვაგვარი შეხვედრა ჩაატარა. ნაყოფიერ დაცვას, ეფექტური და მომაკვდინებელი შეტევა შეუხამა.. სწორედ ასეთ მირალემს ელოდა ტურინი.

ალექს სანდრო – 7 – შესაძლოა უკანა ხაზში მცირედი უზუსტობა არის ხოლმე, მაგრამ ეტაპობრივად ესეც იხვეწება.

დიბალა – 7 – ცივ-სისხლიანია.. მასზე არღვევენ თამაშის წესებს, თამაშობენ ძალიან უხეშად.. თუმცა, იგი დგება ფეხზე და თავიდან იწყებს იერიშებს. ჩამოდის სიღრმეში და ეხმარება ნახევარმცველებს.. გოლები არ არის, მაგრამ..

იგუაინი – 7.5 – მომენტალურად აჩვენებს ყველას თუ რატომ არის გონსალო ხელშეუხებელი. მეოთხე გოლი მიმდინარე სეზონში! შესაძლოა რიგ ეპიზოდებში ზედმეტად ინდივიდუალურია, მაგრამ მისი მაღალი საშემსრულებლო ოსტატობა ეჭვებს არ ბადებს. თქვენ, უბრალოდ ვერ იტყვით პიპიტაზე უარს.