ბოსნიამ და შვეიცარიამ საკუთარი მატჩები მოიგეს

ბოსნიისა და შვეიცარიის ეროვნულმა ნაკრებებმა მსოფლიო ჩემპიონატის შესარჩევი ეტაპის მესამე ტურის მატჩები მოიგეს..

შვეიცარიელები სტუმრად ანდორას დაუპირისპირდნენ და მეტოქე 1-2 დაამარცხეს.ტურინის “იუვენტუსის” მარჯვენა მცველი, შტეფან ლიხტშტაინერი სათადარიგოთა სკამზე იმყოფებოდა და კაპიტანს მწვრთნელმა დასვენების საშუალება მისცა.ვლადიმერ პეტკოვიჩის შეგირდებმა ჯგუფში მიჯრით მესამე მატჩი მოიგეს და 9 ქულით პირველ პოზიციაზე იმყოფებიან.შემდეგ შეხვედრას შვეიცარია 13 ნოემბერს, ფარერების წინააღმდეგ გამართავს.

2-0 მოიგო მირალემ პიანიჩის ბოსნიის ნაკრებმა.ჰერცოგოვინელებმა ზენიცაში კვიპროსი მიიღეს და მეტოქე მატჩის ბოლოს გატეხეს.ბებერი ქალბატონის ნახევარმცველი ძირითად შემადგენლობაში იმყოფებოდა და გამარჯვებაში დიდი წვლილი შეიტანა, ორი საგოლე პასი გაუკეთა ედინ ჯეკოს.ბოსნიელები 6 ქულით მესამე პოზიციას იკავებენ.შემდეგი მატჩი მათ საბერძნეთში ელით, 13 ნოემბერს.

აქვე უნდა აღინიშნოს, რომ მირალემ პიანიჩის წინააღმდეგ დღეს “იუვენტუსის” პრიმავერას წევრმა, გრიგორის კასტანოსმა ითამაშა.18 წლის ფეხბურთელი კვიპროსელთა ძირითად შემადგენლობაში იმყოფებოდა და მატჩი სრულად ჩაატარა.კვიპროსს სამი წაგება აქვს და ჯგუფში მეხუთე ადგილზეა.