“იუვენტუსმა” ვინოვოზე “ფოსანო” დაამარცხა

ტურინის “იუვენტუსმა” ვინოვოს სამწვრთნელ ბაზაზე “ფოსანოს” უმასპინძლა და მეტოქე 1-0 დაამარცხა..

ის ფეხბურთელები, რომლებმაც “ლიონის” წინააღმდეგ ითამაშეს, მასიმილიანო ალეგრიმ მსუბუქად ავარჯიშა.ძირითადი გუნდიდან შემადგენლობაში მხოლოდ რამდენიმე მოთამაშე იმყოფებოდა, ესენი არიან : ნეტო, ლიხტშტაინერი, ბენატია, მატიელო, ერნანეში, სტურარო და კინი, დანარჩენები კი პრიმავერას წევრები იყვნენ.გოლი ტურინელთა მხრიდან ახალგაზრდა ფორვარდმა, მოიზე კინმა გაიტანა.

აღსანიშნავია, რომ მე-60 წუთისთვის მინდორზე კლაუდიო მარკიზიო გამოვიდა, ეს ადასტურებს, რომ იტალიელმა ტრავმა სრულად მოიშუშა და უახლოეს მატჩებში მას მოედანზე უნდა ველოდოთ.ტრავმას იშუშებს როლანდო მანდრაგორაც, ექიმების თქმით, იგი სათამაშოდ მზად სამ კვირაში იქნება.

ხვალიდან გუნდი სრული შემადგენლობით “მილანის” წინააღმდეგ მატჩისთვის დაიწყებს მზადებას.