ალეგრი : “სკუდეტოს ბედს ეს მატჩი არ გადაწყვეტს”

ტურინის “იუვენტუსის” მთავარი მწვრთნელი, მასიმილიანო ალეგრი “ნაპოლისთან” მატჩამდე ერთი დღით ადრე ჟურნალისტებს შეხვდა..

“ხვალინდელი შეხვედრა რიგითი მეთერთმეტე ტურის მატჩია, იგი სკუდეტოსთვის ბრძოლაში ბევრს ვერაფერს გადაწყვეტს.გასული წლის 28 ოქტომბერს, სასოულოსთან წავაგეთ და მეთორმეტე პოზიციაზე ვიმყოფებოდით, ერთი წლის შემდეგ სიტუაცია შეცვლილია, ყველაფერი მარტში წყდება.რა თქმა უნდა, ნაპოლისთან დაპირისპირება მნიშვნელოვანია, თუმცა გაცილებით მეტს იუვესთვის ლიონთან მატჩი ნიშნავს, რომელიც ოთხშაბათს გაიმართება, იქ გამარჯვებით ჯგუფიდან გასვლას გავინაღდებთ.”

“მარკიზიო ? – მის მდგომარეობას დღეს შევაფასებთ, ნელ-ნელა კლაუდიო ფორმაში შედის.ორი კვირის წინ მან ახალგაზრდებთან ითამაშა და ფაქტია, იმ დღის შემდეგ პროგრესი განიცადა.მალე გადავწყვეტ, ითამაშებს თუ არა იგი ხვალ, თუმცა მთავარია, მუხლი ნორმალურ მდგომარეობაში აქვს.ლიხტშტაინერმა შეიძლება ითამაშოს, შტეფანი უმაღლესი დონის მოთამაშე და ნამდვილი პროფესიონალია.ევრამ დაზიანება მიიღო, დღეს საღამოს გვეცოდინება, შეძლებს თუ არა ხვალ მინდორზე გასვლას.”

“კუადრადო ? – არის თამაშები, რომელშიც აუცილებლად მჭირდება კოლუმბიელის პირველივე წუთებიდან მინდორზე ყოფნა, მისი სისწრაფე და ტექნიკა.შეტევაში ბევრი სასაუბრო არაფერია, მანჯუკიჩი და იგუაინი წინახაზზე.”

“პიპიტა ? – მის ანგარიშზე 7 გოლია, შეიძლება ეს ციფრი ვიღაცას ცოტად მოეჩვენოს, მაგრამ ზოგადად თამაშით ვარ კმაყოფილი.ჩვენ მშვიდად ვართ, შეიძლება გონსალოს ყოველ კვირას ვერ გააქვს გოლი, მაგრამ გაცილებით მნიშვნელოვანი სკუდეტო, იტალიის თასი და ჩემპიონთა ლიგაა.”

“ნაპოლი ? – სარის გუნდი შესანიშნავად ასპარეზობს, ნეაპოლელები ნომინალური ცხრიანის გარეშე არანაკლებ სახიფათონი არიან, განსაკუთრებით კონტრშეტევაზე.”