მარკიზიომ კოვერჩიანოს ბაზა დატოვა
კლაუდიო მარკიზიომ კოვერჩიანოს ბაზა კუნთის პრობლემების გამო დატოვა..
იტალიის ფეხბურთის ფედერაციის ოფიციალური ვებ-გვერდის მიერ გავრცელებული ინფორმაციის თანახმად, 30 წლის ნახევარმცველი კუნთის არეში ტკივილებმა შეაწუხა და ჯამპიერო ვენტურამ მას ტურინში დაბრუნების უფლება მისცა.მარკიზიომ ჯვარედინი მყესების ტრავმა ბოლომდე სულ ახლახანს მოიშუშა და შესაბამისად, სკუადრა აძურას ხელმძღვანელობამ თავის დაზღვევის მიზნით მოთამაშის გათავისუფლება ამჯობინა.ვენტურამ პრინჩიპინოს ნაცვლად ნაკრებში “ატალანტას” შუახაზელი, რობერტო გალიარდინი მიიწვია, რომელიც აქამდე ახალგაზრდული გუნდის შეკრებაზე იყო გამოძახებული.შეგახსენებთ, რომ შემადგენლობას დაემატა “ჯენოას” მოთამაშე, ალბერტო იზოც.
კაია რომ დაბრუნდა, სერიოზული არაფერი იქნება თავის დაზღვევაა, ალეგრიც ვერ რისკავს ბოლომდე ათამაშოს მიუხედავად ნახევარდაცვის სუსტი თამაშისა
გალიარდინის თამაში ვნახე ორჯერ და მაგრად მომეწონა. იმედია პერსპექტიული არ დარჩება და მოუმატებს.
რა დროს ამის ნაკრებია! ალეგრიც ძლივს რისკავს ხოლმე და ათამაშებს.