პიანიჩის მამა : “მას ჯარიმების შესრულების მისი სტილი აქვს”

მირალემ პიანიჩის მამამ, ფარუდინ პიანიჩმა საკუთარ ვაჟზე გაზეტა დელო სპორტთან ინტერვიუში ისაუბრა..

“მირალემს რთული ბავშვობა ჰქონდა, არეულობა, ომი, ამ დროს ფეხბურთზე ფიქრი თითქმის შეუძლებელი იყო.იგი თავს ბონსიელად თვლის, თუმცა ჩვენი მეორე სახლი ლუქსემბურგია.ნებისმიერ გუნდში, რომელშიც უთამაშია, მწვრთნელის ნდობას იმსახურებდა და ნელ-ნელა იმკვიდრებდა თავს ძირითად შემადგენლობაში.ტურინში გადასვლის შემდეგ მის წინ ოდნავ განსხვავებული ამოცანები დადგა, მაგრამ ვფიქრობ, ახლანდელი სიტუაციით იუვეს ფანები უკმაყოფილონი არ უნდა იყვნენ, განსაკუთრებით კიევოსთან გოლის შემდეგ.ტურინული გრანდი ზუსტად ჩემს ვაჟს ჰგავს, ამბიციური და ყოველთვის გამარჯვებაზე დაგეშილი გუნდია.იგივე სიტუაცია რომაშიც იყო, ჯიალორისიც უმაღლესი მიზნებისთვის იბრძვის, სეზონის სტარტი ყოველთვის კარგი აქვს, მაგრამ შემდეგ რაღაც ხდება.”

“პოზიცია ? – ეს ალეგრის გადასაწყვეტია, მას შეუძლია ნახევარდაცვაში ნებისმიერი როლი მოირგოს, მცველების წინ, გამთამაშებლად, ფორვარდების უკან და ასე შემდეგ.ჯარიმებს რაც შეეხება, მას ფეხბურთში საჯარიმო დარტყმის საკუთარი სტილი აქვს.ბავშვობაში სულ ცდილობდა, ზუსტი დარტყმა ესწავლა, მიზანს მაინც მიაღწია.11 წლის ასაკში მირალემი ლუქსემბურგის ახალგაზრდულ ნაკრებში თამაშობდა, შემდეგ იგი მეტსის ხელმძღვანელობამ აღმოაჩინა და მისით მოიხიბლა.რაც შეეხება ეროვნული გუნდის არჩევას, ბოსნია გულით იქნა არჩეული, ეს ყველაზე მთავარია.”

წყარო : Football Italia