მოისე ბიოტი კინი, გავიგოთ მეტი ახალგაზრდის შესახებ

გავიგოთ მეტი იუვენტუსის ახალგაზრდა ფეხბურთელის შესახებ, რომელმაც არა ერთი ფაქტით დაგვამახსოვრა თავი.


2000 წლის 28 თებერვალს იტალიაში, ვერჩელის პროვინციაში დაიბადა მოისე ბიოტი კინი, რომელიც ნატურიზებული იტალიელია, ნახევრად კოტ-დიუარელი. ახალგაზრდა მოთამაშე 2015 წელს ჩაირიცხა იუვენტუსის ახალგაზრდულ აკადემიაში, საიდანაც შემდეგ U17-ში გადაიყვანეს. მოთამაშე U17-ს არ დასჯერდა და მალევე გადაიყვანეს U19-ში, სადაც ყველა სასიამოვნოდ გააოცა, ახალგაზრდულ უეფას ლიგაზე 2 მატჩში 2-ჯერ გამოიჩინა თავი, ასევე 100%-იანი შედეგი აქვს პრიმავერა B-ში, 3 მატჩი და 3 გოლი.

რაღა თქმა უნდა, ასეთი მოთამაშე უყურადღებოდ არც ახალგაზრდული ნაკრებების თავკაცებს დარჩენიათ და მალევე გამოიძახეს ასაკობრივ ნაკრებებში…

2015 წლის 17 მარტს, კინი გამოძახებული იქნა U15 ნაკრებში, სადაც თავი 6 მატჩში ორი გოლით გამოიჩინა, ამავე წლის 20 ოქტომბერს, მან U16 ნაკრების მწვრთნელის ყურადღება მიიქცია და 4 მატჩში 3-ჯერ დალაშქრა მეტოქის კარი. 2015 წლის მიწურულს, 16 დეკემბერს კინს U17-დან მოსდის შეტყობინება და დღემდე ირიცხება ალესანდრო დელ კანტოს გუნდში, სტატისტიკა კი 11 მატჩში 5 გოლს და 1 ასისტს შეადგენს.

ყველა ერთ ხმად თანხმდება ფაქტზე, რომ მოის კინი ამომავალი ვარსკვლავია და მალე საფეხბურთო სამყაროს დაიპყრობს, მაგრამ იუვენტუსის ფანებს ერთგვარ შიშს მისი აგენტი და აგენტის დამოკიდებულება მისი ფეხბურთელების მიმართ აშინებს, მოისეს აგენტი მინო რაიოლაა, რომელმაც მისი პროფესია ნამდვილ ბიზნესად აქცია და იუვენტუსის ფანებს თავი ცუდად ჯერ კიევ პოგბას გამო დაამახსოვრა.

სტატისტიკის მიხედვით ალბათ უკვე მარტივად მიხვდებოდით, რომ კინი შემტევ პოზიციებზე თამაშობს და მას არაერთ პოზიციაზე იყენებს გუნდის მთავარი მწვრთნელი :
მთავარი პოზიცია : ცენტრალური თავდამსხმელი;
სათადარიგო პოზიცია : მარცხენა-მარჯვენა შემტევი; უკან დახეული ფორვარდი;

2016-17 წლების სეზონის დასაწყისში მოის კინი უკვე მასიმილიანო ალეგრის (!!!) ყურადღებას იქცევს და მთავარი გუნდის ფორვარდების ტრამვიანობამ ალეგრი იძულებული გახადა მოთამაშისთვის შანსი მიეცა პირველ გუნდში. ალეგრისგან შანსის მიცემას არაერთი რეკორდული ფაქტი მოყვა, მოისი გახდა 21-ე საუკუნეში დაბადებული პირველი ფეხბურთელი, რომელმაც ითამაშა სერია A-ში და ჩემპიონთა ლიგაზე.

დებიუტი სერია A-ში, პესკარას წინააღმდეგ :

დებიუტი ჩ. ლიგაზე, სევილიას წინააღმდეგ :

https://www.youtube.com/watch?v=j6dWy4xoZc4

მოისე კინის თამაშის ამსახველ ვიდეო რგოლებს თუ დავაკვირდებით მარტივად გავიგებთ მისი სუსტი და ძლიერი მხარეების შესახებ.

https://www.youtube.com/watch?v=jRS76JzdRDY

ზემოთ წარმოდგენილ ვიდეოზე დაყრდნობით ნამდვილად შეგვიძლია გამოვიტანოთ დასკვნა, ახალგაზრდის ძლიერ მხარეებს ნამდვილად წარმოადგენს კარგი დრიბლინგი, მშვენიერი ფინტების არსენალი, საშემსრულებლო ოსტატობა და სისწრაფე, რომლითაც ნამდვილად აღემატება მის მოწინააღმდეგეებს.

ხოლო, რაც შეეხება სუსტ მხარეებს ამავე ვიდეოზე დაყრდნობით თავისუფლად შეგვიძლია ვთქვათ, რომ ფეხბურთელის ფიზიკური მონაცემები ნამდვილად არ გამოიყურება იდეალურად, მოწინააღმდეგე გუნდის მცველები მას მარტივად ჯაბნიან სიძლიერის ხარჯზე.

მცირე ფაქტი მის შესახებ, ახალგაზრდა ფეხბურთელს ნამდვილად მოსწონს მარიო ბალოტელი, რაზეც შემდეგ მაისური მოწმობს:

მადლობთ ყურადღებისთვის

ცოტნე სამსონაშვილი, ForzaJuve.Ge