“იუვენტუსი” ივანოვიჩის დამატებას იანვარში ეცდება
ტურინის “იუვენტუსის” ხელმძღვანელობა ცენტრალური მცველის ძიებაშია..
დანი ალვეშისა და ლეონარდო ბონუჩის ტრავმების შემდეგ ჯუზეპე მაროტა ისეთ ფეხბურთელს ეძებს, რომელსაც ასპარეზობა შეუძლია დაცვის როგორც ცენტრალურ ზონაში, ასევე მარჯვენა ფლანგზე.ერთ-ერთი საუკეთესო ვარიანტი ლონდონის “ჩელსის” უკანახაზელი, ბრანისლავ ივანოვიჩია.სერბი მოთამაშე ანტონიო კონტეს სამომავლო გეგმებში არ შედის და შესაძლოა, კლუბი იანვარშივე გამოიცვალოს.რამდენიმე კვირის წინ ვრცელდებოდა ინფორმაცია, თითქოს ბიანკონერები ზაფხულში შეეცდებოდნენ ივანოვიჩთან კონტრაქტის გაფორმებას, თუმცა ზემოთხსენებული ფეხბურთელების ტრავმებმა ეს ყველაფერი დააჩქარეს.გეტყვით იმასაც, რომ იანვარში ბებერი ქალბატონის ბანაკს დროებით მედჰი ბენატია დატოვებს, რომელიც მაროკოს ნაკრებთან ერთად აფრიკის თასზე იასპარეზებს, ეს კი, მასიმილიანო ალეგრისთვის დამატებით თავის ტკივილია.
რა ჩამოწერილ ფეხბურთელებზე ჩალიჩობენ ბოლო დროს სულ
და ალჟირელი სად დაინახე რომ წერია?
მაროკოელია ბენატია არა ალჟირელი