იარნი : “იუვენტუსთან შეხვედრა არავის არ სურს”

ტურინის “იუვენტუსისა” და მადრიდის “რეალის” ყოფილი ფეხბურთელი, რობერტ იარნი დარწმნებულია, რომ ჩემპიონთა ლიგის 1/8 ფინალში ბიანკონერებთან თამაში არცერთ გუნდს არ სურს..

“ამ მომენტისთვის იუვენტუსი ძალიან ძლიერია, ტურინელები შესანიშნავ ფეხბურთს თამაშობენ და ვფიქრობ, ნებისმიერ მოწინააღმდეგესთან ფავორიტებად ჩაითვლებიან.ალეგრი გამოცდილი მწვრთნელია, რომელსაც შეუძლია ყველა გააოცოს, მთავარია, როგორ შეასრულებენ მის დავალებას ფეხბურთელები.რაც შეეხება ტურინულ დერბის, შავ-თეთრებისკენ ვიხრები, თუმცა ეს ფეხბურთია და ყველაფერი შეიძლება მოხდეს.იმ შემთხვევაში, თუ იტალიის ჩემპიონატის ბოლომდე იუვე კონცენტრირებული იქნება, ისინი სკუდეტოს მოიგებენ.”

“ჩემპიონთა ლიგაზე ძლიერი გუნდები არიან თავმოყრილნი, თუმცა მეეჭვება, რომელიმეს იუვესთან თამაში სურდეს.ბებერი ქალბატონის მთავარი პლიუსი დაცვაა, ისინი ძალიან ცოტა გოლს უშვებენ, სამაგიეროდ კი ბევრი გააქვთ.გონსალო იგუაინის დამატების შემდეგ მათი შეტევა გაცილებით მრისხანედ გამოიყურება.იმედი მაქვს, იუვენტუსი ლიგაზე რაც შეიძლება შორს გავა, ამ გუნდთან საოცარი მოგონებები მაკავშირებს.”

“საუკეთესო თანაგუნდელი ? – ძალიან ბევრ მაღალი დონის ფეხბურთელთან მითამაშია, თუ ერთის დასახელებას მთხოვთ, იუვენტუსში რობერტო ბაჯოს გავიხსენებ, მასთან ერთად კი ზეედორფს, რონალდოსა და რაულს, ეს უკვე მადრიდის რეალში.”

წყარო : Football Italia