იტალიური პრესა ევრას შესაძლო შემცვლელებზე საუბრობს

პატრის ევრას გუნდიდან წასვლის შემთხვევაში ტურინის “იუვენტუსის” ხელმძღვანელობა მარცხენა მცველის დამატებას ეცდება..

იტალიური პრესა რამდენიმე ვარიანტს განიხილავს და ერთ-ერთი მთავარი ამათგან “მილანის” უკანახაზელი, მატია დე შილიოა.მასიმილიანო ალეგრის 24 წლის ფეხბურთელის ბიანკონერებში ხილვა დიდი ხანია სურს და ჯუზეპე მაროტას მოთხოვს, მატიას დასამატებლად ყველაფერი გააკეთოს.დე შილიო მიმდინარე სეზონში როსონერის ძირითადი შემადგენლობის უცვლელი წევრია და რთული სათქმელია, დათმობს თუ არა მას ვინჩენცო მონტელა.

მეორე ვარიანტი “შალკეს” ფეხბურთელი, სეად კოლასინიაჩია.ბოსნიელ ფეხბურთელს ალექს სანდროს მსგავსად ასპარეზობა შეუძლია როგორც მარცხენა მცველად, ისე მარცხენა და ცენტრალურ ნახევარმცველად.აღსანიშნავია, რომ 23 წლის მოთამაშეს გელზენკირხენელებთან კონტრაქტი მიმდინარე სეზონის ბოლოს უმთავრდება და არის შანსი იმისა, კლუბი მან თავისუფალი აგენტის სტატუსით დატოვოს.

მესამე ვარიანტი კი “ბოლონიას” აკადემიის აღზრდილი ადამ მაზინაა.გაზეტა დელო სპორტის მიერ გავრცელებული ინფორმაციით, მაროკოში დაბადებული ფეხბურთელის დამატება ჯუზეპე მაროტას არც ისე ძვირი დაუჯდება და ამიტომ, თამამად წამოიწყებს ბოლონიელებთან მოლაპარაკებებს.23 წლის მოთამაშეს იტალიის მოქალაქეობა აქვს და შესაძლოა, ერთ დღესაც სკუადრა აძურას შემადგენლობაში ვიხილოთ.

წყარო : Football Italia