ForzaJuve.Ge 8 წლის გახდა!

დიახ, 8 წელი.. ზუსტად 8 წლის წინ დაიწყო ჩვენი ისტორია ინტერნეტ სამყაროში:

გვერდი რომელმაც იუვენტუსის ქართული ტიფოზერია ერთი საიტის ქვეშ გააერთიანა.. საიტი რომელიც სამაგალითო გახდა ყველასათვის, ვინც ამ სფეროში მოღვაწეობდა..

დაუღალავი შრომა იმისათვის, რომ ქართველ მომხმარებელს უკანასკნელი სიახლეები დახვედროდა იუვენტუსის შესახებ.. მათი კუმირების ასპარეზობაზე და ასე შემდეგ..

გვქონდა პერიოდული ხარვეზები, მაგრამ ეს ყველასათვის გასაგები უნდა იყოს.. 8 წლის განმავლობაში ეს საქმე კეთდება სუფთა 100%-იან ენთუზიაზმზე და არანაირი სარგებელი არავის არ ჰქონია.. იყო თუ არა შემოთავაზება? ფინანსური მხარდაჭერის? რა თქმა უნდა არა.. სიმართლე გითხრათ ამაზე დიდად არ გვიფიქრია არასოდეს..

მაგრამ.. იცით რა არის საწყენი? ის, რომ ბევრ ქართველ იუვენტინოს ავიწყდება თუ როგორ დაიწყო ეს ყველაფერი.. ვინები იყვნენ ისინი ვინც ასე ერთად შეყარა დიდი ჯგუფი და მათ საკმაოდ მაღალ ხარისხიან პროდუქტს სტაბილურად აწვდიდა.. წლობით.. მაგრამ ადამიანებს ხშირ შემთხვევაში ავიწყდებათ ეს ყოველივე.. დაუფასებლობა ღუპავს კარგ საქმეს..

გრძელდება თუ არა ეს ყველაფერი ახლა? დიახ.. და სიმართლე გითხრათ ამას მივეჩვიეთ უკვე.. სასაცილოა ის ფაქტი, რომ შეიძლება დღეში 20-30 სიახლე დადო.. ქართულად გაახმოვანო მიმოხილვა, წინასამატჩო პრესსკონფერენციები და სხვადასხვა მნიშვნელოვანი მოვლენები.. ეცადო შექმნა პროდუქტი ქართულად, მაგრამ.. ინტერესი 0-ი.. მათ მიმართ ვინც მართლა ცდილობდა იუვენტუსის პოპულარიზებას საქართველოში, მაშინ როდესაც გუნდი მეშვიდე ადგილს არ გასცდენია..

დიახ, მეგობრებო ჩვენ ზუსტად მაშინ დავიწყეთ ნაბიჯების გადადგმა, როდესაც გუნდს ყველაზე მეტად უჭირდა..

მახსოვს, პირველი შეკრება ფორცას სახელით.. ჩვენი ასპარეზობა საფეხბურთო ტურნირებზე.. ბარსამანიას და უცნაურს 10-0-ები მოვუგეთ თუ არ მეშლება )  თუმცა, აი ეს მანჩესტერის ფან-კლუბი იმ პერიოდში აუღებელ ციხესიმაგრედ იქცა ჩვენთვის.. ერთი ჰყავდათ რუნის ეძახდნენ (ფიზიკურობის და საფეხბურთო თემატიკიდან გამომდინარე) აი მაგან კი მართლა გაგვიშრო სისხლი..

კიდევ ბევრი გვაქვს გასახსენებელი.. მე პირადად ამ ბიჭებს, მაშინდელ გუნდს.. ძალიან დიდი პატივსცემ.. სწორედ ისინი არიან ჩემთვის ნამდვილი იუვენტინოები!

და რა თქმა უნდა თითოეული ადამიანი ვინც იცის რა არის ForzaJuve.Ge.. იცის რამდენი წლისაა, თუ როგორ მუშაობს და რამდენად ხარისიხიანია..

მოკლედ ასეა თუ ისე 8 წლის გავხდით და განვაგრძობთ საკუთარ მოგზაურობას ქართულ სპორტულ ვებ-მედიაში!