ორსოლინის აგენტმა ტრანსფერი დაადასტურა

იტალიელი ტალანტი ტურინს ხუთშაბათს ეწვევა…

რიკარდო ორსოლინის აგენტმა დონატო დი კამპლიმ Premium Sport-თან საუბარში ტურინის იუვენტუსთან მიღწეული შეთანხმება დაადასტურა.

ბიანკონერიმ ასკოლის ნიჭიერი ნახევარმცველის გაფორმება მოახერხა. ორსოლინი სეზონის დარჩენილ ნაწილს სერია B-ში გაატარებს და შემდეგ შეუერთდება ტურინელებს.

“დიახ, იუვენტუსთან შეთანხმება მიღწეულია. ორსოლინი ხუთშაბათს კლინიკას ეწვევა და სამედიცინო შემოწმებას გაივლის. ის ასკოლის შემადგენლობაში სეზონის ბოლომდე დარჩება და შემდეგ ჩემპიონებს შეუერთდება.”