7 რამ, რაც გუნდში კარგად მუშაობს

დაძაბულობის, ნერვიულობის და პრობლემების ფონზე tuttosport ჩვენი ყურადღების გამახვილება პოზიტიურ თემებზე ცდილობს…

ფლორენციის ფიორენტინასთან მარცხის შემდეგ გუნდს საკმაოდ დიდი კრიტიკა დაატყდა თავს. იუვენტუსს აკრიტიკებს ყველა, თუმცა ბევრს ავიწყდება ის პოზიტიური ფაქტები, რომელიც მიმდინარე სეზონში ფიქსირდება:

1. პირველი ადგილი ჩემპიონატში. ეს შემთხვევითობა სულაც არაა. 20 ტურის შემდეგ, გუნდს 45 ქულა აქვს(6 ქულით მეტი, ვიდრე გასულ სეზონში). უახლოეს მდევარს ზუსტად იმდენი ქულით უსწრებს, რამდენითაც შარშან ამ დროს. საუკეთესო შეტევა(40 გატანილი გოლი, ბოლოს ასეთი ფაქტი 33 წლის წინ დაფიქსირდა). ჩემპიონთა ლიგის ფლეი-ოფი პირველი ადგილით და მეტოქე პორტუ, რომელიც ბაიერნის ვარიანტს ნამდვილად სჯობს. იტალიის თასის მეოთხედფინალი და მოახლოებული დაპირისპირება მილანთან.

2. უკანასკნელი 2 თვის შემდეგ, კვლავ იმატებს პაულო დიბალას შედეგიანობა. არგენტინელი გუნდის ლიდერის სტატუსით ბრუნდება. ასევე ჯვარედინი მყესების ტრავმის შემდეგ გამოჯანმრთელებული კლაუდიო მარკიზიო.

3. 2016 წელს იუვენტუსმა ყველა საშინაო შეხვედრა მოიგო.

4. დიბალა, პიანიჩი, იგუაინის ტრიო დაუმარცხებელი და მრისხანეა. როდესაც ისინი მოედანზე ერთად არიან, იუვენტუსი პრაქტიკულად შეუჩერებელია.

5. გამარჯვება რომასთან და ნაპოლისთან, გუნდებთან რომლებიც სკუდეტოსთვის უშუალო კონკურენტები არიან.

6. უდიდესი რეზერვი, რომელიც შესაძლოა სეზონის ფინიშის დროს გადამწყვეტი ფაქტორი გამოდგეს. დაცვის ხაზის ალტერნატივა – რუგანი, ბენატია. ამით ყველაფერი ნათქვამია.

7.იუვენტუსმა უკვე აჩვენა, რომ მარცხის შემდეგ იდეალური რეაგირება შეუძლია მოახდინოს. გუნდი სულ უფრო და უფრო გამოცდილი ხდება.