ალეგრი : “იმედი მაქვს, იუვენტუსში კიდევ დიდხანს დავრჩები”

“კალიარისთან” მატჩამდე ერთი დღით ადრე ტურინის “იუვენტუსის” მთავარი მწვრთნელი, მასიმილიანო ალეგრი ჟურნალისტებს შეხვდა..

“ჩემს მომავალზე ახალს ვერაფერს გეტყვით, იუვენტუსთან კონტრაქტი მაკავშირებს და და აქ ბედნიერი ვარ, წასვლას არ ვაპირებ.ხვალ ამ თანამდებობაზე ჩემი მეასე მატჩი გაიმართება, მაგრამ ციფრებს დიდ ყურადღებას არ ვაქცევ, იმედია აქ კიდევ 300-400 შეხვედრას ჩავატარებ.თუ წასვლას გადავწყვეტ, პირველ რიგში ბებერი ქალბატონის ხელმძღვანელობას შევატყობინებ.”

“ინტერთან დაპირისპირებიდან უკვე ერთი კვირა გავიდა და ვფიქრობ, საკმარისია ამ თემაზე საუბარი.ნერიაძურის ძალიან კარგი გუნდი ჰყავს და მიუხედავად არც ისე კარგი სტარტისა, ისინი სკუდეტოსთვის ბრძოლაში არიან ჩართულნი.ამ შეხვედრასთან დაკავშირებით მოსაზრება ძალიან ბევრმა ადამიანმა გამოთქვა, ვერ ვიტყვი, რომ ყველას აზრს გავეცანი, მაგრამ ფეხბურთში ასე ხდება, ყოველთვის ვერ გაიმარჯვებ.მილანელებს ვეტყოდი, რომ მომავალს პოზიტიურად შეხედონ.”

“მარკიზიო უკვე გუნდთან ერთად ვარჯიშობს და მის მდგომარეობას ხვალ დილით შევაფასებ.სტურარო და რინკონი კარგ ფორმაში არიან, ხედირა და პიანიჩი კი ცოტა გადაიღალნენ.კალიარის კარგი გუნდი ჰყავს და მათთან განსაკუთრებით ფრთხილად უნდა ვიყოთ, სამი ქულის მოპოვება მნიშვნელოვანია.დანამდვილებით შემიძლია გითხრათ, რომ ალექს სანდრო, ჯორჯო კიელინი, გონსალო იგუაინი და ხუან კუადრადო სასტარტოში იქნებიან.მარცხნივ ან მანჯუკიჩი ითამაშებს, ან სტურარო ან პიაცა.ჯიჯი ითამაშებს, ნეტო შესანიშნავი მეკარეა და როცა ბუფონი ისვენებს, ბრაზილიელს ასი პროცენტით ვენდობით.”