ბონუჩი : “ჩემპიონთა ლიგის ფინალი არასდროს დამავიწყდება”

ტურინის “იუვენტუსის” მცველმა, ლეონარდო ბონუჩიმ იტალიურ პრესასთან ინტერვიუში ჩემპიონთა ლიგის ფინალი გაიხსენა..

“ბარსელონას წინააღმდეგ ჩატარებულ ჩემპიონთა ლიგის ფინალს ვერასდროს დავივიწყებ, 6 ივნისს, საოცარი საღამო იყო.ბოლომდე გვჯეროდა, რომ უძლიერესი ბარსელონას დამარცხებას მოვახერხებდით, თუმცა რაღაც დაგვაკლდა.ანგარიშის გათანაბრების შემდეგ ვუტევდით და კიდევ შეგვეძლო გოლის გატანა, მაგრამ ეს ვერ მოვახერხეთ და საბოლოოდ, კონტრშეტევაზე დავისაჯეთ.დაცვაში ცუდად არ გვითამაშია, მაგრამ როცა შენს წინააღმდეგ მესი, ნეიმარი და სუარესი თამაშობენ, სირთულეებს აწყდები.ბერლინის ფინალი კარგი გაკვეთილი გამოდგა, ბევრი რამ გვასწავლა.”

“მსოფლიოს ორი საუკეთესო ფეხბურთელი ჰყავს, ლეო მესი და კრიშტიანუ რონალდუ.არგენტინელს ბუნებრივი ტალანტი აქვს, პორტუგალიელმა კი ამ ყველაფერს დაუღალავი შრომით მიაღწია.მინდორზე მათ რომ გაუმკლავდე, 110 პროცენტით უნდა დაიხარჯო, 100 პროცენტი საკმარისი არ არის.”