პორტო – იუვენტუსი (ფეხბურთელების შეფასებები)

tuttosport გვთავაზობს ტურინის იუვენტუსის ფეხბურთელების შეფასებას ჩემპიონთა ლიგის მატჩში…

ბუფონი 6 – ჯიჯის ბევრი საქმე არ ჰქონია. 100 მატჩი ჩემპიონთა ლიგაზე.

ლიხშტაინერი 6.5 – დაუბრუნდა ჩემპიონთა ლიგის განაცხადს, რათა შესაძლებლობები წარმოგვიჩინოს. ტელესის გაძევებაში დიდი წვლილი მიუძღვის.

ალვეში 6.5 – შემოვიდა მეორე ტაიმში და მორიგი გოლი გაიტანა ჩემპიონთა ლიგაზე. 2 გოლით გუნდში იგუაინის შემდეგ ლიგაზე საუკეთესოა.

ბარძალი 6 – ანდრეას მოედანზე დისკვალიფიცირებული ლეონარდო ბონუჩის შეცვლა უწევდა. ინტელიგენტი, მშვიდი, გაწონასწორებული. დაცვაში ბევრი საქმე არ ჰქონია.

კიელინი 6 – თავიდან უწევს ადრე სილვას წინააღმდეგ თამაში, ტელესის გაძევების შემდეგ მხოლოდ შეტევების წამოწყებით იყო დაკავებული.

ალექს სანდრო 7 – ბრწყინვალე მატჩი ყოფილი თანაკლუბელების წინააღმდეგ. ალვეშის გოლის ეპიზოდი სწორედ სანდრომ დაიწყო.

ხედირა 6.5 – არაზუსტი დარტყმები, თუმცა მოედნის ცენტრს კარგად აკონტროლებდა.

პიანიჩი 6 – მოქმედებისთვის საკმაოდ პატარა სივრცე ჰქონდა. როგორც კი ბურთს მიიღებდა მასთან მაშინვე რამდენიმე პორტუგალიელი ჩნდებოდა.

კუადრადო 6.5 – კარგი პირველი ტაიმი. ტელესის გაძევებაში საკუთარი როლი ითამაშა.

პიაცა 7.5 – პირველი გოლი ტურინულ კარიერაში. კარგად ისარგებლა მარკანოს შეცდომით და ალეგრის შეცვლა გამოიცნო. ბრწყინვალე ტექნიკა.

დიბალა 6.5 – არგენტინელს მთელ მოედანზე უწევდა გადაადგილება. ბურთის მისაღებად ხშირად უკან იხედვა. მცირე უიღბლობა და ძელი.

მარკიზიო – შეფასები გარეშე

მანჯუკიჩი 6 – ნაკლებად აქტიური, თუმცა დაკავებული შავი სამუშაოს შესრულებით.

იგუაინი 6.5 – უგულო შეხვედრა, თუმცა არგენტინელი პარტნიორებს დიდ დახმარებას უწევდა. შესანიშნავი მოძრაობა, თუმცა კასილასის კარი გადარჩა.

ალეგრი 8 – ბონუჩის დატოვებიტ მაქსი დიდი კრიტიკის ქარცეცხლში გაეხვა, თუმცა იუვემ მორიგი დამაჯერებელი გამარჯვება მოიპოვა და პრაქტიკულად გაინაღდა შემდეგი ეტაპის საგზური. გამოიცნო პიაცას და დანი ალვეშის შეცვლები, რომელთაც გოლების გატანა მოახერხეს.