კიელინი: “იუვე ოჯახია”

9 years ago alashvili29

ჯორჯო კიელინიმ ბონუჩის ინციდენტს დასრულებული უწოდა…

პრესასთან საუბარში, ტურინის იუვენტუსის 32 წლის მცველმა ჯორჯო კიელინიმ აღნიშნა, რომ კლუბსა და ბონუჩის შორის ინციდენტს გაგრძელება აღარ ექნება.

“ეს კვირა ლეოსთვის არ ყოფილა მარტივი, ეს ნორმალურია. მიუხედავად ამისა, გუშინ მან მოედანზე მთელი მისი პროფესიონალიზმი აჩვენა. მთავარია, რომ აქ მარტო არავინაა, მხოლოდ გუნდი..

ლეო ყოველთვის გუნდის ინტერესებზე ფიქრობს, გუშინ მან ბრწყინვალე შეხვედრა ჩაატარა. ჩვენ ბედნიერები ვართ, რადგან გუნდში ერთმანეთთან ღია ურთიერთობები გვაქვს. ყველა ისე ვცხოვრობთ, როგორც ოჯახი..

მნიშნველოვანი უიქენდი იყო. ჩვენ გამარჯვებების გაგრძელება შევძელით. პატარა კლუბების წინააღმდეგ მოგება ორმაგად რთულია, განსაკუთრებით ჩემპიონთა ლიგის შემდეგ..

ჩვენ კარგად ვითამაშეთ. შევასრულეთ მწვრთნელის მითითებები, რამაც ჩვენი ძლიერი მხარეების წარმოჩინებაში შეგვიწყო ხელი. წინ კოპა იტალიის შეხვერდრა გველის. ჩვენ ფინალში თამაში გვსურს.”