ალეგრი : “ბარსელონასთან თამაშამდე ჯერ დიდი დროა”

ტურინის “იუვენტუსის” მთავარი მწვრთნელი, მასიმილიანო ალეგრი “სამპდორიასთან” მატჩამდე ერთი დღით ადრე ჟურნალისტებს შეხვდა..

“ბარსელონასთან დაპირისპირებაზე საუბარი ჯერ-ჯერობით არ მსურს, ხვალ სამპდორიას ვეთამაშებით, შემდეგ ორჯერ ნაპოლის და ბოლოს კიევოს, აი მას შემდეგ კატალონიელებთან ჯახზე დავიწყებთ ფიქრს.გენუაში თამაში ყველას უჭირს, სამპდორიამ რომასა და მილანს მოუგო, ჯენოაც დაამარცხა და ჩვენთან მატჩს კარგ ხასიათზე ხვდება.კიელინი ჯანმრთელადაა, თუმცა 100 პროცენტით მზად არ არის, ამიტომ ხვალ დავასვენებ.იგი სანაკრებო ბატალიებსაც გამოტოვებს.ძირითადში ანდრეა ბარძალი იქნება, მას ან ბონუჩი, ან რუგანი შეუწყვილდება.სეზონის დასრულებამდე სულ უფროდაუფრო ცოტა დრო რჩება და შესაბამისად, ყველა შეხვედრას სერიოზულად უნდა მოვეკიდოთ, რომას და ნაპოლის ჩემპიონობის შანსები ჯერ კიდევ აქვთ, არ დაგვავიწყდეს.ბარსელონასთან დაპირისპირებამდე შიდა ჩემპიონატში მნიშვნელოვანი ქულები უნდა მოვიპოვოთ, იტალიის თასის ფინალში გავიდეთ, შესაბამისად, 11 აპრილამდე დიდი დროა.”

“დანი ალვეშის დაბრუნება კამპ ნოუზე ? – ვნახოთ, ითამაშებს თუ არა ბრაზილიელი ესპანეთში.სამპდორია მონდომებული, დაბალანსებული გუნდია, მათ შეუძლიათ პრობლემები შეგვიქმნან და შესაბამისად, მზად უნდა ვიყოთ.დერბიში გამარჯვების შემდეგ მათი ოცნება საკუთარ მოედანზე იუვენტუსის დამარცხება იქნება, რატომაც არა..”

“იუვენტუსის” განაცხადს რაც შეეხება, ბიანკონერებს მხოლოდ მედჰი ბენატია დააკლდებათ : ბუფონი, ნეტო, აუდერო; კიელინი, ალექს სანდრო, ბარძალი, ბონუჩი, ალვეში, რუგანი, ლიხტშტაინერი; პიანიჩი, ხედირა, მარკიზიო, ლემინა, ასამოა, სტურარო, რინკონი; კუადრადო, იგუაინი, მანჯუკიჩი, პიაცა, დიბალა, კინი