“იუვენტუსის” სკაუტები საქართველო-სერბეთის მატჩს დაესწრნენ

საქართველოსა და სერბეთს შორის გამართულ მატჩს “დინამო არენაზე” “იუვენტუსისა” და “ნაპოლის” სკაუტები ესწრებოდნენ. მატჩი სტუმართა გამარჯვებით 3-1 დასრულდა.
იტალიელი სკაუტები კი მატჩის მთავარი გმირის დუშან ტადიჩის თამაშის სანახავად ესტუმრნენ ჩვენ დედაქალაქს. 28 წლის სერბმა კი თავი შესანიშნავად წარმოაჩინა და ჩვენდა სამწუხაროდ გოლი და ორი საგოლე პასი მიითვალა. საკლუბო დონეზე სერბი ფეხბურთელი “საუთჰემპტონის” ღირსებას იცავს, მისი სატრანსფერო ღირებულება კი 15 მილიონ ევროს შეადგენს. იტალიელების გარდა ტადიჩის შეძენა მადრიდის “ატლეტიკოს”, ლონდონის “არსენალს” და “ვესტ ჰემს” სურთ.