ემოციური მანდრაგორა

გუშინ, ჯენოასთან(4:0) მოგებულ მატჩში, 19 წლის ნიჭიერი ნახევარმცველის, როლანდო მანდრაგორას დებიუტი შედგა…

როლანდო მანდრაგორა მოედანზე 86 წუთზე ტურინელთა კაპიტნის კლაუდიო მარკიზიოს ნაცვლად გამოჩნდა. ბურთთან პირველივე შეხებისას იგრძნობოდა ის მღელვარება, რასაც დებიუტანტები განიცდიან პირველ მატჩში. თუმცა მანდრაგორამ დარჩენილ დროში პუბლიკას თავი კარგად დაამახსოვრა. სოციალურ ქსელში მისი სიტყვები გაჩნდა:

“რთული წელი იყო, უამრავი მსხვეპლი გავიღე და ეს ყველაფერი მხოლოდ ამ მომენტისთვის. სიხარულს ემოციები ცვლის და გადამწყვეტი ხდება კონცენტრაცია. თავში მხოლოდ იმედი ტრიალებს. გზა სასიამოვნო მოჩანს, თუმცა ჯერ კიდევ ბევრია გასაკეთებელი. ბედნიერი ვარ, რომ იუვენტუსის მაისურით დებიუტი ამ სტადიონზე შედგა. ჯენოას წინააღმდეგ, გუნდის, რომელმაც ძალიან ბევრი მომცა. იქ სადაც ეს ყველაფერი დაიწყო! წინ.”