ალეგრი: “ეს ფინალია, ფინალში კი უნდა გავიმარჯვოთ”

მასიმილიანო ალეგრის წინასამატჩო განცხადება…

“ხვალინდელი თამაში – ეს ისაა, რისთვისაც მთელი წელი ვმუშაობდი. ჩვენ ყველაფერი უნდა გავაკეთოთ, რათა სახლში ტიტულით დავბრუნდეთ..

რეალი ფავორიტია, როგორც მოქმედი ჩემპიონი. თუმცა ჩვენ ვიცით, რა შეგვიძლია და რას მივაღწიეთ. თუ რეალი ჩვენთან თანაბრად ითამაშებს, უნდა ვაჩვენოთ საუკეთესო თამაში..

ძირითადი შემადგენლობა? სათადარიგოთა სკამმა შესაძლოა იმაზე მეტად იმოქმედოს თამაშზე, ვიდრე ეს ჩვეულებრივ ხდება. ეს დამოკიდებულია რეალის სათამაშო სქემაზე. ჩვენ რამდენიმე ვარიანტი ვცადეთ. არის არჩევანი გარეტ ბეილსა და ისკოს შორის. ესპანელი ცენტრში თამაშობს, ბეილი კი ფლანგიდან უფრო ძლიერია..

ეს ფინალია, ფინალში კი უნდა გავიმარჯვოთ. მთელი სეზონი ამ მატჩისთვის მოსამზადებელი ვარჯიში იყო. ჩვენი თამაში უნდა ვითამაშოთ და არ ვიფიქროთ მოწინააღმდეგეზე. რა თქმა უნდა, ტექნიკურ კუთხეს გადამწყვეტი მნიშნველობა ექნება. ფინალი მცირე დეტალებისგან შედგება..

მანჯუკიჩმა კარიერის მანძილზე ბევრს მიაღწია და ეს შემთხვევითი არაა. იგუაინი მიმდინარე სეზონში სენსაციურია. ის ტოპ კლასის მოთამაშეა. დიბალამ საგრძნობლად უკეთ დაიწყო მოედანზე ფიქრი. ალექს სანდრო კი მარსელოსთან ერთად მსოფლიოს საუკეთესო ფლანგელია..

იმაზე ძლიერები ვართ, ვიდრე ეს 2 წლის წინ იყო. უფრო მეტი თვითრწმენა გვაქვს, გაცილებით მეტი. ხშირად არ ხდება, როდესაც 3 წელიწადში გუნდი ფინალში 2-ჯერ გადის”