მაროტა რამდენიმე თემასთან დაკავშირებით განმარტებებს აკეთებს…

ჯუზეპე მაროტამ რამდენიმე თემასთან დაკავშირებით ჟურნალისტებთან განმარტება გააკეთა.

პირველ რიგში ჩვენი მიზანია შევინარჩუნოთ ძირითადი ბირთვი. ნათელია, ამავე დროს ყურადღებით ვაკვირდებით სატრანსფერო ბაზარს.

დუგლაშ კოშტა: ბაზარი ჯერ არ გახსნილა, ახლო კვირებში უფრო კონკრეტულები ვიქნებით.

კინი: ოჯახთან და აგენტთან ერთად მოლაპარაკების ბოლო ფაზაში ვიმყოფებით.

მატუიდი: დიახ გვაინტერესებს, როგორც სხვა მოთამაშეები, მაგრამ ჯერ კონკრეტული არაფერია.

ალვეში: ფეხბურთელს სურს ახალი გამოცდილების მიღება. რა თქმა უნდა, გვეწყინა რაზეც ისაუბრა, მაგრამ არვითარი კონფლიქტი არ ყოფილა ჩვენს შორის და წარმატებებს ვუსურვებთ მას.

ალექს სანდრო: ჩვენ მივიღეთ მნიშვნელოვანი შემოთავაზება, მაგრამ არანაირი სურვილი არ გვაქვს გავყიდოთ წამყვანი მოთამაშეები. რა თქმა უნდა, ფეხბურთელის სურვილი დიდ როლს თამაშობს და აზრი არა აქვს ძალით ვინმეს გაჩერებას, მაგრამ ასეთი სურვილი ჯერ არავის გამოუთქვამს და იმედი მაქვს, არავინ დაგვტოვებს.

ფიფას გამოძიება პოგბას ტრანსფერზე: საქმე დიდ თანხას ეხება და ბუნებრივია ფიფა დაინტერესდა ამ საქმით. ჩვენ ფისკალური და საგადასახადო კანონების სრული დაცვით ვიმოქმედეთ და პასუხი გავეცით შეკითხვებს. ჩვენ დარწმუნებული ვართ, რომ დისციპლინარული სასჯელი არ იქნება.