“იუვენტუსმა” კინის მამას ტრაქტორები არ მისცა

კვირის ბოლო სამუშაო დღემ მშვიდად ჩაიარა, არ ყოფილა ბევრი სიახლე შესაძლო ტრანსფერებთან დაკავშირებით. ჩვენ Forzajuve.ge-ს გუნდი ყველგან ვეძებთ ინფორმაციებს რათა პირველებმა გაგაცნოთ ტურინული ამბები. მოკლედ დღეს საკმაოდ სახალისო სტატიას წავაწყდი ტუტოსპორტზე. საქმე ეხება მოიზე კინის მამის ბიორუ კინის ინტერვიუს რომელიც მის შვილს აგენტის გამოცვლას ურჩევს და “იუვენტუსს” ტყუილში ადანაშაულებს.
” “იუვენტუსმა” მოიზეს 700 ათასი ევრო შესთავაზე წელიწადში რაც ძალიან კარგი ინფორმაციაა. მაგრამ, პრობლემა იმაშია, რომ ისინი მე დამპირდნენ რამდენიმე ტრაქტორს ჩემი სოფლის მეურნეობისთვის კოტ-დ’იუვარში, ახლა კი მეუბნებიან რომ ამ ეტაპზე ეს საკითხი არ განიხილება. ამბობენ რომ ამისთვის ბიუჯეტი არ შეუდგენიათ. მე მაქვს რამდენიმე ჰექტარი მიწა სადაც ბრინჯის და სიმინდის მოყვანას ვაპირებ, მათ მე მომატყუეს.
რაიოლა ამბობს, რომ ის ჩემი შვილის აგენტია, მაგრამ ჩვენ არაფერზე მოგვიწერია ხელი. მე რომ მოიზეს ადგილას ვიყო ჩემთვის სხვა აგენტს მოვძებნიდი”.

წყარო:tuttosport.com