კოშტა : “იგუაინს სეზონში 40 გოლის გატანა შეუძლია”

ტურინის “იუვენტუსის” ახალწვეული, დუგლას კოშტა ჟურნალისტებს შეხვდა..

“იუვენტუსი უდიდესი გუნდია და მათ თამაშებს ხშირად ვადევნებდი თვალს.ჩემპიონთა ლიგის მატჩს ვუყურე, ტურინელებს არ გაუმართლათ, თუმცა კარგი მატჩი ჩაატარეს.იტალიის ჩემპიონატი მაღალი დონისაა, აქ დიდი ყურადღება ექცევა ფიზიკურ ბრძოლას, იმედი მაქვს, ადაპტაციას მალე გავივლი.ვიდალი ? – არტურო ჩემი მეგობარია, მან იუვეზე ბევრი მესაუბრა, შორიდან გამაცნო ტიფოზერია, რომლებიც დიდ გავლენას ახდენენ გუნდის თამაშზე.”

“სანამ კონტრაქტს გავაფორმებდი, ალეგრის ვესაუბრე, მან თბილად მიმიღო, ისევე როგორც მთლიანად გუნდმა.ჩემი პოზიცია ? – მარჯვნივ თამაში მიყვარს, მაგრამ ბავარიაში ხშირად ვთამაშობდი მარცხენა ფლანგზეც.დიდი მნიშვნელობა პოზიციას არ აქვს, ვიქნები იქ, სადაც მწვრთნელი მეტყვის.მთავარია, იუვენტუსს გამარჯვებაში დავეხმარო.”

“იუვენტუსისა და ჩემი ფილოსოფია ერთმანეთს ჰგავს, გამარჯვებისთვის ვიბრძვით.ანჩელოტისთან პრობლემები ? – მისტერ კარლო ძალიან კარგი ადამიანია.საკუთარ კარიერაზე ვზრუნავ, მინდა ყოველთვის მინდორზე ვიყო, ვფიქრობ, ბავარიაში ჩემი შესაძლებლობები კარგად წარმოვაჩინე და დრო იყო, კლუბი გამომეცვალა.იგუაინი ? – გონსალო უმაღლესი დონის ფორვარდია, მას სეზონში 40 გოლის გატანაც შეუძლია.”

“ბონუჩის მილანში ტრანსფერი ? – მე ტრანსფერებს ვერ შევაფასებ, გადაწყვეტილებას კონკრეტული პიროვნება იღებს.მინდა იუვენტუსს უმაღლესი მიზნების მისაღწევად დავეხმარო, ტურინელებს ჩემი სჯერათ და იმედების გასამართლებლად ყველაფერს გავაკეთებ.”