ალეგრი : “როტაციას ნამდვილად ვგეგმავ”

“კიევოსთან” მატჩამდე ერთი დღით ადრე მასიმილიანო ალეგრი ჟურნალისტებს შეხვდა..

“ცვლილებები ნამდვილად იქნება, არჩევანი კი დიდი მაქვს.კლაუდიო მარკიზიო და სამი ხედირა ტრავმებს იშუშებენ, იმედი გვაქვს, ისინი მალე გამოჯანმრთელდებიან.ჯორჯო კიელინის რეაბილიტაციის პროცესი კარგად მიმდინარეობს და იმედია, ბარსელონამდე დაზიანებას მოიშუშებს.კუადრადო გვიან დაგვიბრუნდა, პაულო დიბალა კი სანაკრებო ბატალიების გამო განცალკევებით ვარჯიშობდა, მას დასვენება სჭირდება.”

“გონსალო იგუაინი ნაკრებში არ იყო გამოძახებული და შესაბამისად, იგი ვინოვოს ბაზაზე ვარჯიშობდა, დარწმუნებული ვარ, პიპიტა იდეალურ ფორმაში მალე ჩადგება.საწყისმა ორმა შეხვედრამ გვაგრძნობინა, რომ რთული სეზონი გველის, ამიტომ მაქსიმალურად ყურადღებით უნდა ვიყოთ და კონცენტრაცია არ დავკარგოთ.სულ მალე ჩემპიონთა ლიგა იწყება, მაშინ კი ნამდვილად მივხვდებით, რომ სეზონი დაიწყო.”

“ხვალ ბუფონი დაისვენებს, კარს კი შესნი დაიცავს.ანდრეა ბარძალი დღეს დაბრუნდა, მას ორი დასვენების დღე მე გამოვუწერე და იგი უკვე ვინოვოზეა.რაც შეეხება ბენედიქტ ჰიოვედესს, მისი ადაპტაციის პროცესი მიმდინარეობს, დღევანდელ ვარჯიშზე აუცილებლად დავაკვირდები.ცენტრში ბლეიზი მატუიდი და მირალემ პიანიჩი ითამაშებენ, მოგვიანებით გადავწყვეტ, დავაყენებ თუ არა სასტარტოში მესამე ნახევარმცველს.”

“კიევო ? – ვერონელებს კარგად ორგანიზებული გუნდი ჰყავთ, როლანდო მარანი მაღალი დონის სპეციალისტია და მისი შედეგები ამაზე მოწმობს, დიდი ხანია სერია ა – ში ასპარეზობენ.ჩვენი მთავარი ამოცანაა საკუთარ მოედანზე სამი ქულა ავიღოთ, დაცვაში თამაში კი გამოვასწოროთ.ჯენოამ ორი სწრაფი გოლი გაგვიტანა, კალიარიმ კი სახიფათო მომენტები შეგვიქმნა, ასე რომ, ხვალ მნიშვნელოვანი ტესტი გველის.ბარსელონასთან მატჩზე უკვე ხვალიდან ვიფიქრებთ, მით უმეტეს, ეს მხოლოდ ჯგუფური ეტაპია და არა პლეიოფი, ან მით უმეტეს ფინალი.პირველი ადგილი ? – ყველაფერი კენჭისყრაზეა დამოკიდებული, შესაძლოა პირველადგილოსნებს მცირე უპირატესობა ჰქონდეთ, მაგრამ გადამწყვეტი ნამდვილად არა.”

“ლიხტშტაინერი ? – სტეფანი გუნდისთვის მნიშვნელოვანი ფიგურაა და ნამდვილად გული მწყდება იმაზე, რომ იგი ჩემპიონთა ლიგის სიის მიღმა დარჩა.სეზონის მეორე ნახევარში იგი განაცხადში იქნება და კიდევ ერთხელ დადასტურდება, რომ იუვე მას ენდობა.ბენტანკური ? – მის მახასიათებლებს პიანიჩს შევადარებდი, ერთნაირი ტიპის შუახაზელები არიან, როდრიგო აუცილებლად მოუმატებს, იგი ჯერ კიდევ ახალგაზრდაა.იგივეს ვიტყვი ბერნარდერსკიზეც, ფედერიკო ტურინში იმიტომ მოვიდა, რომ გუნდისთვის მნიშვნელოვანი ფიგურა უნდა გახდეს, ამას მალე დაინახავთ.”

წყარო : Football Italia