დიბალა: ბედნიერი ვარ

თავის მე-100 მატჩში “იუვენტუსის” მაისურით, დიბალამ 52-ე გოლი გაიტანა…

არგენტინელმა საწყის 4 ტურში 8 ბურთი შეაგდო და ყველა თამაშში მოახერხა გოლის გატანა, რაც 12 წელია არავის გაუკეთებია სერია ა-ში. ლუკა ტონიმ 2005-ში მოახერხა იგივე, თუმცა მან მხოლოდ 5 გოლის გატანა მოახერხა 4 ტურში.

ევროპაში ბომბარდირებს შორის დიბალა მე-2 პოზიციაზეა ფალკაოს შემდეგ, თუმცა კოლუმბიელმა 9 გოლი 5 თამაშში შეაგდო.

ამავე დროს არგენტინელმა ტალანტმა 2 ჰეთ-თრიკი გაიფორმა.

“მე ძალიან ბედნიერი ვარ, რადგან ძალიან მინდოდა ამ თამაშში ერთი გოლი მაინც გამეტანა, მაგრამ 3 გამოვიდა! ეს ჩემი მეორე ჰეთ-თრიკია იტალიაში, ორიც არგენტინაში გავიტანე მანამდე.

მინდა შევინარჩუნო ეს გრძნობა. მე მომწონს 10 ნომრით თამაში. გუნდი მენდობა, ალეგრი თავისუფლებას მაძლევს, ვითამაშო იქ, სადაც მსურს. გუნდი კარგად თამაშობს, დღეს ჩვენ დავივიწყეთ ბარსელონა. ჩვენ უნდა გავაგრძელოთ მოგებები, რომ მივიღოთ მაქსიმუმი და გავაგრძელოთ პროგრესირება.”